今日本來約左朋友去西灣亭行山，清晨五點幾探頭望窗，發現玻璃滿佈水珠，噢，下雨了﹗反正頭重重咁，可能尋日同小朋友玩既時候除低外套時沾左風寒，都好，天寒地凍，反回暖笠笠既被窩都不失為一件樂事。 講起同小朋友玩，每個星期五都覺得對唔住班小朋友，同小朋友串字，其中一位義工話比小朋友知，大象係eleplant，另外，原來我地既眼睛同咀巴都有骨，而蝸牛原來係有骨既動物，當場我真係啞口無言，唔想當面話佢錯，但又不能接受發放錯誤信息比小朋友班，用最婉轉既方法去同小朋友澄清，但當你同完小朋友講SNAIL HAS SHELL BUT NO BONE，尖比義工反過來指係我錯，對於參與度極高但卻能力不足既義工，我到底應該點處理? 係公司，對於表現不佳既下屬，可以直斥其非，什至可以辭退，但對於無償付出時間既義工，好似不能挑剔，而你又要對受眾負責，不能完全沒有要求，實在不易為。 好多時，自以為係常識既事，當你發現其他人唔知，特別係對住家人或相熟既朋友 人，好容易會衝口而出講一句，唔係呀嘛，咁都唔知﹗﹖但何為常識，你係批評人既同時，你又識幾多? 哩幾日係住所大堂見到停廁所水既告示，內容大至係水務署做緊改善工程，將淡水供應改為海水。每天匆匆而過，無認真睇認真諗，到真正停水前一晚再重新讀一次通告，才反問一下自己，改善工程?意思不就是現時既沖廁水係淡水?淡水喎?我由細到大都以為我地用緊既廁所水係鹹水，點解係淡水?點解依家先做改善工程改為海水?我搬左入天水圍十幾年，原來自己一路都用緊淡水沖廁，唔係呀嘛？！ 屋苑的停水通告 向朋友查問，全部的認知都跟我一樣，廁所水梗係鹹水泥架啦，如果係咁，那屋苑張通告我應該點解讀， 於是認真上網搵下答案。 搵到既答案原來係，香港唔係全部用緊海水沖廁，到2016年為止，只有八成係用緊鹹水，其他係用緊淡水，姐係我地比錢買既食水沖廁，所謂既政府補貼，姐係全香港市民幫手比緊錢部份人用淡水沖廁﹗原來係係咁既咩﹖ 點解我唔知﹖係咪只係得我唔知﹖﹗越搵越多，有報章曾刊登過，原來現時政府所謂既八成，只係計住宅，未計商用大廈﹖依家我地比錢買緊食用水返泥，其實年年都有剩，然後，原來有一部份係用左泥沖廁所架喎，咁我地到底為咩仲要比錢買咁多哩﹖ 另外當全世界講緊要珍惜用水，玻利維亞啱啱早幾日先開始講緊要進行全國性制水，我地（可能只係得我）居然係唔知情既情況下唔環保左咁多年，用緊食水去沖廁﹗﹗我實在有點意外﹗我們不知道的事，實在太多太多﹗﹗ 水務署網站搵到的資料 維基百科搵到既資料
