繼續格林德瓦（GRINELWALD） 由GRINDELWALD既FIRSTBAHN搭到上山頂既FIRST，再行上山既BACHALPSEE，資料顯示話50分鐘，但我地實際左2個鐘先到，一路上斜，都幾吃力架﹗ 有朋友比我地早到幾日，佢行完話返酒店要搽按摩膏，哩個朋友係年初同我一齊去行印加古道，我反問有無咁誇張呀﹗行完雖然未至於要搽藥膏，但深信朋友既話半點不假﹗沿路會經過小溪，因為山上入夜氣溫較低，所以溪流都變成薄冰，回程時有部份山路變成濕濕的，我估係太陽出泥，冰薄溶化所至﹗ 上山既時候遊人唔多，雖然路有點陡，但自由自在的感覺實在難得﹗在瑞士時有看到新聞說局長去行山，驚覺沿途都係垃圾，心裡不是味兒，人家的路都是乾淨整潔，怎麼我們的民族就是沒有這種自律﹗﹗ 兩個人越走越熱，但總算來到湖邊，沒有預期的雪山倒映，但卻得到了一個寧靜優美的早上，坐在湖邊，感受陣陣的微風，看到有年輕人在耍樂，有垂釣的人耐心靜候，到底，我們在趕忙什麼﹖到底，為何我們總得苦幹去維持生計﹖﹗ 由纜車站出發，其實係會經過FIRST CLIFF WALK先架 我地十點左右開始行，行山客唔多，見到既都係銀髮族 行到半路就會見到上OBERJOCH既車站 從山上望返落泥既FIRST CLIFF WALK，都真係幾驚嚇 行左大半個鐘，都依然係前路茫茫，睇地圖知道有排都未到 從山上望落去，會見到零星小屋，其實尐人係點生活既哩 一路都被特別既岩石吸引 沿路只要見到有休息既地方，就知係風景好既地方，可以休息一陣睇下風景 入秋，香港個個都湧住去睇芒草，我就睇住哩尐先啦 海拔二千幾，入夜結霜都好合理既 如果我無搞錯，哩個應該係FAULHORN 終於都行到泥BACKALPSEE啦 可惜中午時份，陽光太耀眼啦，只可以欣賞湖景，睇唔到倒映 湖邊有一小屋，真係估佢唔到，哩樹居然可以留宿既，我估係方便釣魚人事 星期日朝早，大家都帶住悠閒既心泥享受湖景 星期日朝早，大家都帶住悠閒既心泥享受湖景 星期日朝早，大家都帶住悠閒既心泥享受湖景 好多明信片都以哩個位取景，BACKALPSEE連同FAULHORN既倒映 好多明信片都以哩個位取景，BACKALPSEE連同FAULHORN既倒映 係度過個周末，都唔錯吖 FAULHORN 回程先知一路走來的風景 回程已經係下午一點既時，遊客開始多，有人熱到要赤腳行﹗ 回程時見到遊客開始上山 落山向FIRST CLIFF WALK進發 FIRST CLIFF WALK，越睇越驚 行上山時身水身汗，落返車站行FIRST CLIFF WALK一樣身水身汗，上山時既係汗水，行FIRST CLIFF WALK時既係冷汗﹗我係有畏高既，即使山路稍為狹窄，我都會出現呼吸困難同心跳，哩條只得800米既鐵橋，足以令我心臟病發﹗沿路都要不停深呼吸同扶住欄杆先可以行到﹗朋友問，咁你仲玩SKY DIVING，我覺得畏高係一種心理障礙，所以總想去克服﹗ 話說回來，SKY DIVING又的確唔驚喎，可能因為覺得安全。 應該係係FIRST CLIFF WALK影落去既村莊 從FIRST CLIFF WALK看到的景況 好多游客都選擇舒舒服服咁係車站旁的餐廳渡過周末的下午 返到落山差不多下午兩點，剛好趕及1417個班車上Kleine Scheidegg，再接車上少女峰。老實講，個日時間係預得唔好架，由GRINDELWALD上到少女峰前後係要2小時，但離開少女峰既尾班車係5點半，姐係我地只得個半鐘係山上面行，連雪橇都玩唔到，所以如果有心去，最好安排朝早上會好尐﹗﹗ 全個旅程，最貴既車票就係上少女峰哩一程 上少女峰既火車分兩段，第一段係由GRINDELWALD去到KLEINE SCHEIDEGG 其實哩段路，之前一日我地係行過架，不過今日就搭火車 其實哩段路，之前一日我地係行過架，不過今日就搭火車 之前一日行過既 第二段既火車就係由KLEINE SCHEIDEGG轉去少女峰，哩段有分指定席同自由席，我地係自由席，就要按指示去指定區域排隊，丟指定席既人上哂車先 向少女峰出發囉 開始係見到雪山景 KLEINE SCHEIDEGG車站 向海拔3500出發 火車有個中途站（好似），每個站都會稍作停靠，比遊客落車影個相，但唔使驚，車務員係會係站搵人，確保所有乘客都上返車先開車 沿途會有四個停靠站，比遊客落車影相 係KLEINE SCHEIDEGG上車後一個鐘就會到達總站，少女峰 海拔3500，該是長年積雪的吧，上到泥真係好凍，又大風，同朝早係FIRST行山既溫度係完全唔同，好彩我有帶定羽絨，要不實冷死﹗ 安排失當，計漏左上車原來要差不多兩個鐘，又無計到佢5點半就係最後一班車，所以唔夠時間行哂咁多個CHECK POINT，最可惜係....我無係支瑞士旗度影目呀.（圖中9既位置） 海拔3500，全歐洲最高 哩個日本哥哥真係強，我地係觀景台大風到頭都甩，溫度該是零下，但佢只著短褲，好堅 出去行左陣，連雪橇都停左無得玩 本來係可以繼續行上山，但個陣已差不多五點，唔夠時間 好有心思既水晶球，入面既公仔係會郁架， 本來想買比朋友做手信，好彩無買，因為第二日係GRINDELWALD市內既小店見到一模一樣，但只售CHF20 因為要趕尾班車離開，只能睇室內的擺設 少女峰以TOP OF EURPORE作招來 都幾得意，冰雕館裡面有電影既角色 上一篇：鐵腳之旅 - 第九天（上） 下一篇：鐵腳之旅 - 第十天
