繼續格林德瓦（GRINDELWALD） 知道今日天氣會好，所以希望爭取時間可以去到FIRST同少女峰。 雖則話會好天，但我地8點幾出門，都係未見到陽光，所以都依然帶點寒意﹗由AIRBNB行去火車站大概10分鐘，咁由火車站再行去FIRSTBAHN又要10分鐘，行下影下，實際大概行左30分鐘，終於到纜車站，寒意亦慢慢散去﹗ 一早起來，看見前園的花，實在賞心悅目 往火車站途中有古董車的擺設，但無論咩時候都係反光，無法影到全貌 途中好可受的櫥窗擺設 總覺外國的小孩較幸福，有比較多的康樂設施，讓童真可維持耐一點 外國既超市一般星期日都唔開，或者哩樹遊客太多，路上發現有一間會開幾個鐘，假如真係要買野食都仲可以泥哩樹 其實我地本身可以搭巴士穿梭區內，但偏偏又一次都無搭過 同係西藏一樣，我無辦法分得清邊個山峰打邊個山峰，只係覺得舖左雪既山份外壯麗 前後差不多行左半個鐘，終於泥到FIRSTBAHN 星期日早上9.30，未係好見到遊客 瑞士既行山徑好多時都會見到土撥鼠，所以不難見到相關既擺設 GRINDELWALD都好多日本人泥，所以係車站附近有兩間日本觀光資訊中心﹗估唔到車站裡面會有日本既摺紙書賣 準備出發到FIRST嚕 FIRST海拔2千多，由山下既纜車站大概搭30分鐘就可以到山上，冬天好多人泥滑雪，夏天除左行山、釣魚，仲會有人踩越野單車同埋玩空中吊索。有人會選擇慢慢行上山，起碼行2個半鐘，總之就各式其式﹗纜車唔係一條線直接上到頂，去到半路係會轉彎的，都係一個特別之處。 圖中黑色實線就係纜車行經既軌道，可見到後半段係有轉折位 有人選擇行上山，就咁睇路程就並不輕鬆 纜車徐徐往上爬，看著山一的景色慢慢變得像模型一樣 纜車既中途站 中途站都有比小朋友玩既遊樂設施，好貼心哩 中途站有滑板車可借用，遊客有興趣可係中途站落車 現吊索既地方 一路上山見到靈出泥既石，覺得好特別，不過我唔係讀地理既，唔知係咪真係咁特別 大概30分鐘就到山頂 一出左纜車站就可以見到租單車既地方，但一路都係上斜，唔見得比行輕鬆 我地既目的地係BACHALPSEE，指示牌話要50分鐘，但我地實際行左兩毎鐘 一起步就係上斜，怪唔知早我幾天到既朋友話，行完要返酒店搽按摩膏 遊客上FIRST，除左想感受佢條動魄驚心既FIRST CLIFF WALK之外，好多都會選擇行去BACHALPSEE賞湖景。其實去到FIRST，仲有一段纜車可以搭架上去OBERJOCH，但要等到落雪先會有，比滑雪既遊客用既﹗個樹仲有個靚既影相位好，但我地行去湖係另一個方向，去完先再折返就唔夠時間過少女峰，所以我地只係去左睇湖﹗ 指示牌明明話50分鐘左右，我地10點出發，一路行到差不多12點先到湖架，剛好烈日當空，所以完全影唔到倒映，亦越行越熱。行山經常都遇到兩個難題，一係衣著，二係太陽眼鏡﹗﹗ 當地人通常都會著一件輕便既風褸，然後入面係透氣衫，以便行到半路可以除。但我哩，好怕凍，唔得有風吹住，所以唔敢著得太單薄，到半路要除外套，拎住又煩，唔除又熱﹗好彩我既耐熱能力都算高，沿途見到其他行山客，大包細包咁，都幾煩﹗ 另一樣係太陽眼鏡，山上面既陽光特別刺眼，所以一般都會戴太陽眼鏡，但假如你又影相又行山的話，太陽眼鏡就係一個苦惱，因為你根本無法準確地肯定你張相夠唔夠光，又或者會唔會光過頭，好多時都係靠估（睇HISTOGRAM）。 個頭真係好痛，寫住咁多先﹗ 上一篇：鐵腳之旅 - 第八天（下） 下一篇：鐵腳之旅 - 第九天（下）
