BERN TO GRINDELWALD（伯恩到格林德瓦） 尋晚係新加坡返泥，大概係因為早幾日食得太雜，頭痛又開始發作，發熱發漲咁，好似就泥要爆炸，每次頭痛我都好想搵人幫我鑽開個頭，以減低顱壓﹗成日都做唔到野﹗﹗ 離開伯恩既朝早，天色都依然係灰灰沈沈咁，仲好大風添，因為我記得個日行上ROSENGARTEN之前我係要去洗手間加暖包既﹗好彩既係無落雨，起碼我地可以繼續係市區四圍行下，仲去左超市買下野食做手信﹗ 係酒店食餐，第一次係外地見到染左色既雞蛋，後來先知原來四圍都有得賣（歐洲人的紅雞蛋） 第一次見到染左顏色，又寫明係hard boiled egg既蛋 寄存行履係酒店（依然係就咁放係大堂櫃台就行人），經監獄塔（KAFIGTURM）行出聯邦國會大樓（BUNDESHAUS），沿河經過大教堂（BERNER MUNSTER）行去熊公園，再行上山既玫瑰園（ROSENGARTEN），跟住落返泥經雜貨街同市場街行返酒店拎行履，因為酒店附附就有COOP，仲去買左少少餅乾同朱古力當做手信先去返火車站買票去GRINDELWALD。 早上的市場街，明明我地可以搭車架，但唔知咩解我地係都鐘意行 監獄塔（KAFIGTURM） 早上的聯邦國會大樓（BUNDESHAUS） 資料話，哩座聯邦國會大樓1852年就開始興建，用左50年先完成 聯邦國會大樓的雕像，我成日都好想知到底哩尐像係邊個同有咩意思，但又懶搵資料 聯邦國會大樓的雕像，我成日都好想知到底哩尐像係邊個同有咩意思，但又懶搵資料 聯邦國會大樓再行出尐就會見到AARE（阿勒河）既景色 碧綠色既聯邦國會大樓圓頂好搶眼好易認 好鐘意歐洲既電車，覺得好靚 大教堂係全瑞士最大既宗教建築物，教堂既高塔成為認方向既標記 好似係美術館 歷史博物館門外的雕像 歷史博物館 治河的風景 好有特式的地窂揭門 教堂外的噴泉，其實伯恩仲有一樣野出名，就係噴泉既數目，全市好似有成250幾個，單單係市場街同雜貨街已經有2個 大教堂係全瑞士最大既宗教建築物，好似花左4百幾年先建成 教堂的雕刻 沿河的風景 總覺得外國的工程車好可愛，無平時見開既霸道 伯恩周邊有五條橋，各有特色 伯恩以熊命名，所以泥到點都要過泥慼公園睇下，但我大細粒，唔係好迫到埋去影 影唔到真熊，唯有影下隻假架啦 河邊的建築物 係玫瑰園望落山既景色，如果有藍天該會更美 係玫瑰園見到既小朋友 前一晚落過大雨，花都被打壞了﹗ 前一晚落過大雨，花都被打壞了﹗ 前一晚落過大雨，花都被打壞了﹗ 前一晚落過大雨，花都被打壞了﹗ 大教堂既高塔好似都係全瑞士之冠 雙座位的單車，天氣凍都唔怕啦 另一角度既大教堂 路過見到好靚既油畫，買唔起，唯有獨獨影低 ROSENGARTEN係山上面，雖然行斜路有點吃力，但我覺得舖路既人好有心思，地面既石階舖得好靚 玫瑰園既歷史 前一晚落過大雨，花都被打壞了﹗ 伯恩係有免費單車可以租用既，只要出示護照，交CHF20作按金就可以免費租用4小時，火車站有，原來我地酒店樓下都有 剛好趕到搭2點既火車出發到GRINDELWALD（地方名，好多時都係去到當地，聽到人地點讀先肯定發音如何，哩個係其中一個），去到GRINDELWALD落大雨，而AIRBNB又離火車站有約十分鐘距離，仲要係山腰，所以到埗時都幾狼狽。點知安頓好之後又忽然放晴，仲見到彩虹添。本來係要去超市買留宿三天既食量，但兩個野一路掛住影彩虹，十分鐘既路玩左半個鐘，差尐玩到超市關門﹗﹗ 係伯恩去GRINDELWALD，要係INTERLAKEN OST轉車 係伯恩去GRINDELWALD，要係INTERLAKEN OST轉車 沿途都係雲霧 沿余都係雲霧 去GRINDELWALD既路上一直都係雨 係伯恩去GRINDELWALD，要係INTERLAKEN OST轉車 火車上面好詳細咁介紹附近一帶既景點 去到GRINDELWALD差不多四點了 係GRINDELWALD可以搭火車去少女峰 係GRINDELWALD既車站行去FIRSTBANN好近，可以搭纜車上FIRST 我地係GRINDELWALD留宿三晚，一推窗就見到艾格峰（EIGER） AIRBNB的住人養了好幾隻貓，都很黏人，雖然我對貓咪敏感，但每次都寧願口腫面腫都要玩 到埗時還下著大雨，誰不知放好行履卻見彩虹 留宿GRINDELWALD的AIRBNB就在山腰 上一篇：鐵腳之旅 - 第六天 下一篇：鐵腳之旅 - 第八天（上）
