LIECHTENSTEIN 列支敦士登向ST MORTIZ 聖摩里茲出發 由蘇黎世出發都係自駕部份，點解哩部份會選擇自駕，主要係估計，沿途風景應該已經換上秋衣，自己開車，可以搵定停靠點，見到美景就停車拍一下﹗﹗沿途都有SET車CAM，咁就可以專心開車但又記錄到路上的景色﹗﹗返泥睇返，都依然覺得發緊夢一樣﹗﹗ 離開列支敦士登就開始南下，親有陽光，先到CHUR（庫爾）（大概半小時車程） 先南下往CHUR走 THE CLASSIC VIEW OF CHUR CHUR唔算好大，四圍影左陣就走，而且貪心既兩個人，想係仲有日照前趕去最東邊既城市SCUOL影個教堂先再返落東南邊既ST MORITZ，其實都幾無謂，不過又貪心，人就係咁﹗﹗ CHUR過SCUOL，開車最快都要2個鐘，而且路上遇到修路，沿途都要停車等候，所以去到已經係4點幾既事，遇上西斜，又喀光，所以其實都唔係好影到。 去SCUOL沿路既風景 去SCUOL沿路既風景 去SCUOL沿路既風景 去SCUOL沿路既風景 去SCUOL沿路既風景 去SCUOL沿路既風景 去SCUOL沿路既風景 去SCUOL沿路既風景 開左兩個幾鐘車，沿路都係走馬看花，唔算好多機會可以細賞 去到SCUOL，拍好車就向VULPERA行（稍稍上山） SCUOL其實好靚好舒服，不過好大風，行上山既路係凍到頭痛 SCUOL隔離就係奧地利，係瑞士既最東邊，如果唔係咁大風，可能我地會有排玩，但亦好彩大風，我地趕得切日落前去到ST MORITZ VULPERA四周景色都很美 TARASP FONTANA，令我記起德國既索亨霍倫堡，但當然規模小多了﹗ TARASPSEE，反差實在太多，唔係好影到 本來都諗住先四圍行下，等太陽再落少少再影，但風真係好大，吹到頭痛，等左半個鐘就放棄，決定直接返ST MORITZ休息﹗其實係度返酒店都要開一個鐘，唔想摸黑上路，唔等都係好事泥﹗﹗ 返到酒店又見到哩個GRAND TOUR既標記，夕陽西下既ST. MORITZERSEE份外迷人 在ST MORITZERSEE湖邊的WALDHAUS AM SEE HOTEL 湖景酒店，果然名不虛傳，係床都見到靚景 酒店設施好齊全，除左基本設施外，居然仲有靚望遠鏡，DVD機 我到ST MORITZ既酒店終於都捱唔住開始發燒，好彩有露台，SET好腳架就咁放部機係露台都影到星軌，不過....構圖麻麻 一整天經歷左好幾次大的溫差，所以當晚終於都開始發燒，夜晚無得出去湖邊影星，可惜﹗﹗好彩有露台，就咁放左部機出去影星軌。等大叔自己出去影湖景，我....就開大個暖氣，一早上床訓覺，冀許訓醒無野，唔好影響餘下行程﹗﹗ 上一篇：鐡腳之旅 - 第十三天（上） 下一篇：鐵腳之旅 - 第十四天
