繼續列支敦士登(LIECHTENSTEIN) 越來越多相，而每日可以靜落泥打字既時間唔多，開始有尐亂，所以決定唔跟時序﹗加上今日去左個令我好興奮既地方，一於寫左先﹗﹗ 列支敦未登既AIRBNB係半山，一推窗就望到山下既景色，同埋對面山既瑞士，真係世外桃園一樣﹗唯一美中不足既係天氣，一路係陰陰天又雨毛毛咁，哩邊已換上秋衣，係無陽光照耀下，多了一份悽清感﹗﹗ 我地住係列支敦士登既TRIESENBERG區，一推窗就望到山下既風景，對面就係瑞士啦 原本計劃係一早出門去返APPENZELL個邊 SEEALPSEE影湖同懸崖酒店，由我地住既TRIESENBERG過去要開一個鐘車，然後起碼要行一個鐘上山，怕好似好趕咁，又見天色唔好，決定取消，慢慢煮完早餐先出發去影火車﹗﹗ 鐘意住AIRBNB既原因係可以兩個人靜靜地咁真心對食 一出車就落雨了 沿途既風景都好靚，如果有陽光一定更加迷人 開左一個鐘頭車，我地又準備開始行山了﹗ 開左一個鐘頭車左右，我地又入返瑞士國境，去到FILISUR附近一個搵一個LANDWASSER VIADUCT既地方﹗為咩﹖睇相你就會知架啦 落左車行十分鐘左右就會見到哩個指示牌，向Schmittnertobelviadukt方向走就是了 其實你只要跟住PHOTO哩個牌行就得 其實路程唔算遠，半個鐘左右啦，但就一路上斜，為左要睇哩條橋 唔係係山下睇呀，係要繼續行上山睇，真係一路跟住PHOTO個牌行就可以了﹗ 有尐碎石都會幾跣腳架，但都好快行到上山了﹗ 繼續再向前行多十分鐘左右 終於都到啦 可能有人會覺得好無謂，但我地就係為左睇火車經過既一刻 我地去到個陣有個日本叔叔已經係度等緊，因為火車每一小時先有兩班（來回），所以真係要預時間預得好準 哩條德蘭瓦薩大橋（LANDWASSER VIADU）好出名架，有百幾年歷史（好似係1901年建），咁多年之前要起一條咁既橋喎，路過既火車如無意外應該係冰河列車，因為我知哩路係冰河列車既景點之一﹗ 如果你去附近既DAS BAHNDORF都會睇到相關既指示 車站附近都幾靚架 睇完火車，繼續下一個目的地，位於MALENFELD的海蒂之家﹗﹗我由細到大唔係好睇電視的，鐘意一個人放空，胡思亂想咁﹗飄零燕係我其中一套會睇既卡通，自問唔係一個童真既人，無諗過去到海蒂之家會有咁既反應﹗佢其實好似有10定11個景點，其中有兩個要收費入場，話係依海蒂同爺爺生活既屋為佈置，入到去，覺得好親切，見到爺爺煮芝士既爐，海蒂同彼德玩既雪橇，海蒂既床等等，覺得好似識得既咁，白痴仔~~~ 去海蒂之家途中經過既並木，如果遲尐變哂做黃色，一定好靚 賣南瓜既小攤檔，覺得尐南瓜好靚﹗ 其實都要行一陣山路先會到海蒂之家 就快到架啦 要買票囉，HOUSE 1同HOUSE 2既收費好似分別都係CHF9.9，如果你兩間都睇哂就CHF14.8 當留個念入去睇下啦 佢話一號屋係海蒂屋企，但我覺得2號屋似尐 海蒂同彼德呀 海蒂夏天條裙 海蒂個朋友，係咪叫克拉莉哩，佢張輪椅呀，其實仲有爺爺孭佢上山個張背，但太黑影唔到 爺爺整芝士既大鍋爐呀，細個覺得佢烤軟左既芝士放係面包上面好好食 海蒂係閣樓，用禾乾舖成既床呀，我都仲記得個個畫面﹗爺爺整左一大堆好鬆軟既稻草然後舖上床單，海蒂係上面跳來跳去好開心個個情景 行完海蒂之家已經四點幾，知道準備開始變天氣，反正去唔到邊，索性早點回程，順便去VADUZ CASTLE影下相﹗ 列支敦士登的城堡 其實四周已上秋色，只可惜差一點點陽光﹗ 聽日就要離開啦，希望天色好返尐，可以認真欣賞一下哩個同大嶼山差不多大細既國家﹗﹗既然佢地以郵票出名，梗係要去睇下佢地既郵政博物館<啦﹗ 上一篇：鐡腳之旅 - 第十一天 下一篇：鐡腳之旅 - 第十三天（上）
