第十日，我做過咩哩﹗﹗等我諗下先，應該係離開GRINDELWALD返ZURICH﹗﹗係GRINDELWALD既AIRBNB住左三晚，一開門艾格峰就在眼前既生活真係如置身仙境一樣﹗ GRINDELWALD所住既AIRBNB對面艾格峰 四圍都好多玫瑰，好羨慕呀~~~ 越來越鐘意住AIRBNB，可以自己煮食，地方又夠大，絕對係旅行時享受家的感覺的好選擇﹗不過，自己煮完，當然要幫人清潔返啦，哩個部份我係好樂意既﹗本身都鐘意執拾同清潔，所以見到人地既地方咁整齊舒服，點都想執返原貌比人﹗﹗ 係住AIRBNB既過程，亦學識左人地對垃圾分類既認真同嚴謹﹗入住時屋主已經提醒應該點做垃圾分類，特別係廚餘，哩部份我地係無做開既，所以都係一個警醒﹗而且發現外地做垃圾分類好做好多，食物生產商係包裝上面已經諗好哂點回收點分類，超市既膠袋任你攞任你用，但當地人都好主動帶環保袋﹗見到人地有個雜物房要泥做垃圾分類，幾咁羨慕，但當然，人地地方夠大，不能同香港比較﹗我依然深信，源頭減廢先係最基礎既一步，我地習方便，有好多本來可以做到既環保工作都做得唔夠人地好，要繼續加油﹗﹗ 一般BNB既主人都好好心機準備好當地有咩好玩，有咩好食 瑞士人垃圾係徵稅的，所以份外小心處理垃圾分類同回收 當天行程比較簡單，真係只返蘇黎世過夜，等第二朝去租車公司取車出發GRAND TOUR﹗所以好輕鬆咁係AIRBNB食完早餐，係市內四圍行下影下相，去搵下明信片，影下教堂，然後就搭火車經琉森返蘇黎世﹗ 好得意既裝飾 四圍都見到熊人既擺設 每間屋好有個性 係GRINDELWALD既市中心四圍遊走，好不寫意 日本人都係鐘意遠離塵囂既地方，所以連哩度都有觀光局 GRINDELWALD的教堂 瑞士隨處可見既特色，水真係份外清甜 好鐘意哩張明信片，我希望我會記得點分哩三個山峰 專登揀左經INTERLAKEN同BRUNIG既路線，諗住可以影下相，不過一上車就落雨，無心機影相，只係SET左機影MOVIE，就好好趁哩程火車休息一下，寫下明信片﹗ 專登揀經INTERLAKEN OST同BRUNIG既路線 火車會沿湖而行，落雨影唔到尐咩 要是陽光明媚的話，想必要美 因為有維修工程，11月6之前經此路去琉森的話，記住要係GISWIL轉巴士呀 去到琉森又係落雨，仲諗住可以四圍行下先返蘇黎世添，既然係咁，LOCKER都慳返，直接返蘇黎世啦 事隔一年，又見面啦，ZURICH 怕又好似舊年咁唔記得寄明信片，一到蘇黎世就寄左先 住一晚就走既酒店 酒店房有點細，訓一晚姐，聽朝一早就走﹗ 一路都落雨，但又想會一會蘇黎世既夜景，所以都係冒雨出去行左轉 一路都落雨，但又想會一會蘇黎世既夜景，所以都係冒雨出去行左轉 上一篇：鐵腳之旅 - 第九天（下） 下一篇：鐵腳之旅 - 第十一天 相關文章：鐵腳之旅 - 突發事故篇
