要上機返香港啦，好感恩哩幾日都遇上好天氣，尋晚仲係Soglio遇見好靚既星空添，返香港又要準備去新加坡既行程，所以都係講下其他野先 係瑞士最後一晚，個又清到無朋友，繁星閃閃 由細到大我都好怕面對鏡頭，最經典既往事係五歲時跟父母到兵頭花園（動植物公園）郊遊，爸爸好開心咁諗住一家人影個全家幅，但一個有性格既細蚊仔為左唔想影相，自己行左去第二樹，諗住四圍睇下野，等家人影完先返去歸隊，注。。當時係只得五歲，我本身就係路盲，無理由五歲時會識路。。。所以正確泥講，一個唔知自己蕩失路既細路係樹四圍行，嚇到父母臉無血色咁到四圍搵，搵返梗係打餐死架啦！所以哩個故仔講到今時今日 怕面對鏡頭既性格無變過，正因為自己怕面對鏡頭，係旅途上有時想影別人的眾生相都會覺得猶疑，怕冒犯別人哩個亦係我鐘意用zoom鏡既原因，遠距離咁pan埋去，感覺無咁直接，無咁尷尬。 哩張相本來係想影年老夫婦拖手，但老太太一見到鏡頭就閃埋左條柱後面，反而係老先生輕鬆自若咁繼續往前走 近年我鐘意影背影，咁樣又可以影到個感覺，而又唔使怕冒犯被攝者，泥得較容易接受。 有時候，用相機去看別人所看的，也挺有趣 有些外國人，卻很樂意面對鏡頭，即使知道自己站在別人的鏡頭下，仍能從容自在，仍能面露笑容，甚至向你揮手微笑，到底，是那來的自信，是那來的自在？這個揮手，這個微笑，突顯了被攝者的瀟灑，好不羨慕。 在伯恩時，遇見這單車少女，面對鏡頭不但沒有閃避，還向我微笑，單眼，感謝你的自信， 依家，係公眾地方，面對別人的不是，無以前咁敢出聲糾正，怕被對方拍下然後斷章取義的放上網，怕被大搜查大起底，好怕被扭曲被渲染。所以要拍別人時更難定斷。 在科技和資訊爆炸的社會，希望大家更懂得去尊重別人的私隱和自由。假如，看到有人因為你的美而按下快門，不妨向他揮揮笑，微笑一下。
