哩兩日都掛住放兩條片上FACEBOOK（附相關連結），加上360相片也無法順利上載，所以寫行程寫得好慢﹗ 哩度唔放得影片，但自己睇左又好想泥緊會去伯恩（BERN）既朋友都有機會去睇下﹗話說每次安排行程，其實都會先計左假期，諗好目的地，然後再計劃一下可停留邊幾個站，再訂住宿﹗係訂完住宿之後，搵下個個度方仲有咩可以影相咁﹗再次重申，GOOGLE MAP係我個人覺得本世紀最偉大既發明，因為有左佢，要搵影相位真係方便好多﹗﹗ 講返正題，咁編行程途中，搵伯恩（瑞士既首都，我細個個陣成日以為蘇黎世先係）有咩好影，市政廳（BUDESPLATZ）當然係其中一個CHECK POINT啦，哈，點知搵資料期間，發現佢由10月14號開始直到11月26，每個星期既四、五、六、日都會係市政廳有個光影SHOW，仲一晚兩場添（晚上7點同8點半），睇完實係想跳樓，我地安排好既到訪日期係10月13-14，14號當天走，姐係...緣慳一面啦﹗﹗唉，酒店訂好哂，無得改，算數﹗﹗當無睇過哩個資料﹗ 到伯恩當日，細雨綿綿咁，到黃昏仲越來越大添，但我地兩條友點會肯坐係酒店，冒雨都要出去行下影下，伯恩當天既相基本我都係影黑白，襯返個MOOD呀嘛﹗﹗ 為左方便影相，我地都習慣著衝鋒衣，背囊亦全部RAIN COVER，咁，就唔怕突如其來既雨阻到我地睇風景啦，但話雖如此，衝鋒衣都只係WATER PROOF姐，唔係WATER RESIST喎，太大雨都依然會濕，依然會凍，所以13號當晚其實影到半路都諗住打退堂鼓架啦，點知突然聽到市政廳個邊有音樂聲，八掛過去睇下﹗嘩嘩嘩，真係咁都比我地預到，原來佢地做採排呀，見有一個外國人SET左腳架影，咁我地梗係唔執輸又即刻落腳架啦﹗﹗ 好精彩呀，佢用市政廳做屏慕，將光影投射落去，位好準好靚，雖然唔係好明內容（我估有點歷史背景吧﹗），但都依然覺得精彩，為時半個鐘（好似）當時太大雨，又無封場，好多人行來行去，話時話，當地人好似對個表演無咩感覺咁，無咩人停低睇咋喎又，只係不停都有車經過，諗返，好彩個晚都大雨咋，所以無咩其他遊客出泥玩，如果唔係場面仲混亂﹗﹗ 最後好得意，表演尾聲，個市政廳好似向大家鞠躬咁，好幽默好有趣既表演﹗﹗詳細資料可以去官網睇下， http://www.rendezvousbundesplatz.ch/en/welcome/ 伯恩市政廳光影表演的擷圖 伯恩市政廳光影表演的擷圖 伯恩市政廳的光影表演由10月14日開始至11月26日 伯恩市政廳光影表演的擷圖 伯恩市政廳光影表演的擷圖 尾聲，市政廳好似向大家鞠躬致謝咁 雨中的伯恩市政廳 市政廳的光影表演原來歷史悠久 泥緊會去伯恩既朋友記住唔好錯過 延伸閱讀：鐵腳之旅 - 第六天 視訊： 伯恩市政廳的光影演出（PART 1） 伯恩市政廳的光影演出（PART 2）
