（香港到意大利Val di Funes） 由香港出發，係芬蘭既赫爾辛基轉機，再到米蘭，全程16個鐘，行程都好順利，係機上亦一如以往，睡個飽以減少時差做成既困擾。雖然今次有個古怪既香港女仔坐隔離，全程不停係度翻箱倒籠，估計係第一次搭長途機，所以份外緊張，好彩無咩影響到我。不過，今次再坐芬蘭航空，感覺差遠了，leg room比我早前去台北搭既華航仲要少，好有趣地全部機倉服務員都係男仕，不過哩。。。嘻，如果可以靚仔返少少就好啦 古怪既派餐時間，不過理解既，長途機，乘客都希望能多享用服務，係我自己唔鐘意食野姐 其實已經係A350,但感覺依然局促 第三次係赫爾辛基機場轉機，感覺良好，指示清晰，不過就一離開機倉就要再做安檢，所以唔好諗住帶水或係機上拎汽水之類就記念品（今次見到人咁做），一律唔比過，入境亦好簡單，officer隨便問幾句你泥做咩之類既說話就放行，因為歐盟唔比帶肉制品，反而哩樣野佢地又唔會check 你，亦check唔到，因為你既行履直接去目的地，當然，你落地出境時被抽樣檢查就另計 有時有尐機場既免費wifi只得半個鐘，但赫爾辛基機場似乎無，我6點到地，到8點再飛一路都有wifi用 赫爾辛基再轉去米蘭程機再3小時，只提供餐飲服務，要食野就要比錢，全機得我地兩個黃皮膚，我見其他乘客都好捨得買酒飲買野食 經歷完16個鐘既飛行，一出機場就去搵租車公司，題外話，出發前睇資料話意大利人好慢，係機場等行履個刻就完全感受到，佢地個種漫不經心既生活態度，係任何人都無法改變既﹗ 第一次踏足意大利國境，感覺同意大利真係好隨意，好漫條斯理，唔似北歐人咁嚴謹 米蘭既MXP機場指示都明顯，只要依路標就會搵到租車公司或搭地鐵既方向 係意大利只會短暫停留，嗨兩日就靠你啦 由米蘭機場開車到較偏遠既VAL DI FUNES需時4個多小時，雖然舊年係德國已經開過左軚車，但成年無渣，點都要小小時間適應，好彩沿途路面情況都好，係過收費亭時有點手忙腳亂，過幾日該會適應﹗ 由米蘭開車到Val di Funes,都已經差唔多用左半缸油，雖然好遠，但希望會值得既 至於點解要去VAL DI FUNES，其實都係靚啦，係網路上見到人地既相，又想親歷其境一下﹗路上都見到好多告示牌賣廣告，提及UNESCO既DOLOMITI，我地山長水遠泥就係為左睇哩個山，哈，姐係無行錯路啦﹗ 唔同德國，意大利既高速係要收費既，有尐就你一上高速就有收費站，有尐就以距離計，你上高速前會有票機，停車取票，然後會分段按距離收費，都有分人手或自動付款，當然仲有電子收費，應該叫telepass，遊客記緊要搵有人手既標誌 4個小時既車程其實都好遠下，本來諗住中間搵休息站，但又想早點到酒店，所以都係踩足4個鐘，泥到差唔多下晝3點，只可惜天氣有點差，所以無四圍走，留係酒店休息同等開飯。原來....我地朝早5點係飛機上面食左早餐之後，一路10個鐘都無搵過野食﹗ 唔似之前既自駕遊，今次得一個司機，所以估計車相唔會太多，可能係周末，沿途見到好多本地人開camp van去玩，真寫意 四個鐘既車，終於都到啦，酒店比較難搵，set google map時記緊要打地址 酒店係半山 從酒店房間望出既景色，如果好天該會更美，本來應該見到傳說中既Dolomities架 房間唔算好大，但包早、晚餐，仲會送一張遊客咭，可以隨意搭乘遊客觀光巴士同埋參觀博物館 開車途中有落過下雨，天氣報告話泥緊幾日都係落雨，睇泥，同Dolomiti無緣了 係酒店Check-in完，出去行左陣，但天色麻麻，因為係山上，感覺有點清涼，氣溫大概10度，但好多外國遊客都依然係短褲T-shirt咁，酒店有泳池夏天到訪大概可邊暢泳邊欣賞美景。真係開始老啦，鐘意飲熱野，所以行履箱多左樣必備既用品，就係旅行用既水煲，歐洲房間一般都無，自備就唔使煩啦。。。。 兩條友四圍行左陣，無再搵野食，直接等晚餐，酒店包埋早，晚餐，味道都算唔錯。大概比較偏遠，又無消費點，哩度唔見有黃皮膚既遊客，我地兩個變得份外顯眼，其他遊客用餐時都會點酒，我地本身都唔飲酒，不過我估服務生可能會覺得你兩個窮鬼唔捨得加錢點飲味。 酒店晚餐包salad bar, 一個前菜，一個主菜，仲有甜品，夠哂豐富 上一篇：瑞士之旅 - 凌晨機篇 下一篇：鐵腳之旅 - 第二天
