2012年去挪威睇極光係人生第一次搭凌晨機，平時習慣十二點左右就會自動熄機，讀書年代，寧願早起溫習，都不能通宵捱夜。有時被迫夜訓，個人就會進入放空狀態，個次亦一樣，個腦熄左機，只係個軀體自己係樹行，係過香港安檢時除低左手錶，過完唔記得拎，直至過左離境閘口先記起，回頭搵，關員循例問我手錶咩牌子，哈....到底自己戴左邊隻錶出泥哩，完全想唔起，企左一陣，只能勉強答到手錶顏色﹗真係瘀到爆炸﹗ 雖然第一次既凌晨機經驗有點蝦碌，加上大部份朋友亦對凌晨機印象不好，反而自己就愛上搭凌晨機出門，依家唔止係長途機，連去日本我都會選擇凌晨機，感覺多左時間用。好彩的話，可能仲可以係飛機上面睇到日出添﹗ 第一次係機上睇日出 以去日本為例，上機訓覺，訓醒落機一般都係6點多，步出機場所見到既，都仲係沈睡中既城市，由寧靜既一切慢慢變得熱鬧，了無一人的街道變成熟悉的、熙來攘往的大街，任由趕忙的上班族在身邊擦過，感覺超然﹗好似今年2月，同朋友去東京睇河津櫻，落左機出上野放好行履再轉車去伊豆河津，都只係中午12點，時間好用好多﹗ 2016年2月的河津河堤 至於長途機，凌晨機簡直係個人的不二之選，以今次去瑞士為例，0025機，去赫爾辛基11小時，等2小時轉機，再搭多3小時去米蘭，全程16個鐘，但到地時間係當地既早上10點。人生路不熟，日頭白白到感覺總是較踏實，而且，可以順道係機上調整一下時差。當然，首要條件係，你要好似我一樣，何時何地都可以安然入夢，要不可就苦了﹗﹗放鬆心情，任意地在機上訓個死去活來，訓醒就輕鬆享受旅程，很阿Q對吧﹗我想我還有個優勢就係矮小既身型，腳短一族，可以卷縮在坐位上，翻來覆去也不會對鄰座既乘客做成太大既騷擾。也練得好新手，即使坐在裡排，也能巧妙地跳出走廊而不用驚動走廊排的乘客，厲害吧！！就帶著這份心情，向瑞士出發~~~~ 話說回來，搭凌晨機最令我無所適從既係派餐時間，以今次為例，0025起飛無耐就才就派餐，不是吧。。。凌晨一時多耶，平日你會這個時間用餐的嗎？機程11小時，大概怕客人覺得蝕底，所以多派一餐。實在是很奇怪的安排。。。。 原來我都幾怕航空公司不佔既餵食方法，上機無耐就派餐，但講緊係半夜2點，根到就未想 上一篇：瑞士之旅 - 行程篇 下一篇：鐵腳之旅 - 第一天
