泥左台北7日，到底食過咩哩？平時同朋友泥台北玩，梗係會預先睇左blogger介紹有咩新推介，然後就一日食7餐咁。今次一條友泥上堂，課程仲係叫密集式訓練，唔係好食野既我，本來仲諗住會好孤獨咁咁日日落地下街或買外賣返旅館食，又或者一日一餐咁。點知泥到識左個都係係香港泥既朋友，變左餐餐都一齊食，想瘦住返香港，簡直係妙想天開。 但泥個朋友比我更怕麻煩，唔想四圍行，所以主要都係圍繞忠孝敦化食野，所以無咩好推介比朋友，純粹係自己既一個記錄。 Day 1 - 東區地下街既八方雲集，好似係泥左台北咁多日最平既一餐。第一日到，夜晚又要上堂，怕跑太遠趕唔切返泥，所以求其係地下街食就算，當晚上完堂係無食野既 Day 2 - Day 8既早餐。旅館包早餐，早餐7點開始供應，但9點上堂第7第8天，仲改左8點上堂，做瑜伽會做好多扭轉什至倒轉既動作，最好練習前2小時停止進食，咁計法，我咪要餓住上堂？傻的嗎？只好每日都係食少少稀飯加醃菜 Day 2 上午既訓練已經好認真，一隻濕水雞咁同一個香港既朋友搵左間拉面店食，但我食左1/3就食唔落，店員好緊張咁問係咪唔好食，其實只係做完運動無謂口。完全無動機去影舖頭名，外觀，唔係遊玩心態，完全off mode Day 2 夜晚，一放左學就搭捷運去關渡同朋友會合，去八里食飯，淡水去得多，但八里第一次，好像本地人較多，好彩朋友預先訂左位，要不有排排。哩間泰國菜館，你問我嘛，普通啦，但佢勝在門口有職員扭波比小朋友，又有沙池，八里係一家人周末的好去處，能夠安撫小朋友既技倆，當然特別受歡迎 Day 3 係星期日泥，原來好多舖都無開，幾條友係內街搵左好多間舖都無開，最後搵左哩間叫longtimeago既餐廳食，環境同食物都唔錯，餐廳四周放左好多劇照，一班朋友要搵地方傾計，哩度都唔錯。但無咩綽頭野，遊客係唔會泥既 Day 4我好鐘意台灣既哩種小舖，食幾多夾幾多，你食素又得 食肉又得，最緊要係平，款式又多。。。睇返資料，我懷疑我第三晚係無食野既 Day 5 打風，唔使返學，所以唔使食野，哈哈，全日除左係旅館餐廳食左早餐之外，就係佢啦 Day 6 打風無野做，本來想去西門町食楊桃冰，點知無開，想去南京復興食胡椒餅，無開。於是入左蘆洲搵朋友，一齊去左佢屋企附近既大排檔食野，雖然唔係咩大舖，但居然好食喎，唔知叫咩名，只記得當時隔離台有幾個大概高中既年輕人，有男有女，未夠7點已飲到醉昏昏，個幾個男生似乎對同檯女生不懷好意，但哩尐野，個幾個女仔自己揀不停飲，怪得誰 Day 7 lunch@7-11朋友係一個好認真學習既人，所以習慣早到，午飯時間由2個鐘變左1.5個鐘，佢更加唔願四圍走，唯有係附近便利店食 Day 7 粵香園托朋友既福，泥左哩間據聞有40年歷史既廣東菜館食晚飯，聽晚夜機返港，無去到誠品，無食到阿宗，但就識左幾個新朋友，都幾好吖 Day 8 最後一天了，一大清早就劇烈運動，未夠十點就全身濕透。做人說運動後會餓，但我卻越做越不想吃
