最近，有個唔係好熟既朋友，半夜三更WHATSAPP問（後來發現原來佢趕住第二日出發去旅行），話佢部單反按完SHUTTER唔識RELEASE，係咪壞左，係咪要拎去整，當時其實好想求其答佢，係呀，你拎去整啦﹗ 哩個問題，我估影開相既朋友十居其九都識答，好大機會係佢校左反光板反上，性格使然，知無不言，唯有有氣沒氣咁解釋比佢聽，跟住佢一輪咀咁問，咩泥架，無可能，我都唔識，之前明明好地地架，我都無搞過部機，諸如此類，總之一大堆推翻你既說話。 我根本無意欲爭辯，只係話左佢知可以點樣CALL MENU改返，如果唔得你就拎去整，但求終止對話。佢既反應依然係，無喎，我部機無哩個功能架，哩樣個樣，還是欲罷不能的說下去，我沒有再作回應，隨得佢自己度自說自話。第二朝，起身睇電話，最後既對話係（其實係我教完佢大概五分鐘後），搵到啦搵到啦，搵到你講個樣野啦，然後就係，影到啦影到啦﹗ 身邊好多咁既朋友，又要問，但又要唔信，實在，咁你又何必問哩﹖﹖假如你肯跟住指令做，根本唔使一分鐘就搞掂，你得閒打咁多字去問點解同唔係，不如著手去試好過啦﹗﹗ 有人去睇完醫生，然後埋怨醫生無用，藥到但病不好，細問下，無依指示去好好休息，又無依指示按時食藥，咁....其實你為咩去睇醫生先﹖﹖唔會醫生摸下你就好返架嘛，你病仲四圍走，假如你話搵食艱難都無話可說，但係你係去玩喎，咁....與人無猶姐﹗ 最近有一學員，也在埋怨怎麼瑜伽式子沒有進展。佢係網絡上見到人地做高難度動作，話好靚，佢又想試，但問題係，小姐，叫你拉筋你唔做，叫你練力你唔練，你只係齋做個個動作，當然唔會練得成啦，你唔受傷我都偷笑啦﹗ 有人買左貴相機問點解影唔到靚相（因為連基本攝影技巧都唔識），有人買左貴跑鞋話扭到腳（因為平時無跑開），等等等等~~~~~ 網絡上好多留言都係咁泥，留言者沒有依指示做，跟住去投訴人﹗
