呢條片係2014年9月1日既極光～6年後既今日終於面世。。。哈哈哈（多謝呢個blog，俾個機會我整理下）記得開HD，靚好多ga～其實，北極光咁靚，點先睇到～？相信唔少朋友都有好多疑問。。。北極光究竟咩時間睇係最好？係咪晚晚都有ga？有冇話幾點開始？有的話，通常出現幾耐ga？有雲又睇唔睇到？有月光係咪又會睇唔到？極光指數可唔可信？有冇向邊個方向會易睇d？北極光有咩顏色ga？點先知個d 係極光而唔係光害／雲？係咪用肉眼係睇唔到，要用相機先得？咁咩相機先得呀？etc etc etc etc未去芬蘭之前，我都有著以上每一個既疑問，base on 返而家既我，都有經驗可以分享下～～答左第一題先：Q1： 北極光究竟咩時間睇係最好？A1: 以芬蘭既Lapland 黎講，其實每年既8月底開始就已經開始有得睇（今年2020年第一次係8月26日），到到下年既3月底至最遠4月頭左右都係睇極光既好時機。事關4月頭左右，因為位於高緯度既北極圈內，個天會慢慢黑唔哂，就算有都唔夠sharp。8月底既芬蘭係未有雪既，第一場初雪大概會o係10月中／底左右落，不過因為global warming 全球暖化，個日子都開始有遲既跡象。所以呢，如果好怕凍，又唔想咁貴的話，8月底－11月去都唔錯，11月凍極未drop到 minus 零下。會睇到北極光，但就冇得玩snow mobile 雪地電單車（my favourite！）／雪橇狗拉車husky sled ／ reindeer sled 馴鹿拉車等雪地上活動。不過呢個時候可以去行下d national park 國家公園、玩下ATV 越野車、gold panning 淘下金 （真係有！）同行下museum咁～ 自駕周圍去都唔怕！仲有！！！ 會有得摘新鮮既berries 同mushrooms～～～！ (Lake Inari, August 2014) (Lingonberry & Blueberry, August 2014)12月－2月係最最最旺既時間，夠凍（average 會大概－20度左右，最凍我試過－47度）所以所有雪地上活動都開哂。係一個睇極光加玩雪既好時機。除左以上提過既雪地上活動，仲可以去滑雪、 冰上釣魚、ice skating、ice driving！多雪到個人會好自然去loop，Let it go + Do you wanna build a snowman? 無論機票、食、住、玩都會貴好多，但服務會反比地差好多。因為個個都唔憂做，staff 又唔夠，客人又好wor。尤其係聖誕節、農曆新年同情人節時，特別明顯。但去北歐wor，呢個時係去係有機會“一次過滿足你幾個願望”，不過都要講清楚，北極光係冇guarantee，有個客人住左10日，一家四口，毛都睇唔到一條，check out 之後當晚即有。（唉～） (SNOWpy by me & my nieces!!, December 2013) (Pine trees in snow, December 2013)3月－4月可以叫做水尾，開始溶雪，氣溫慢慢回升。d雪地上活動都會因積雪唔夠厚而有機會隨時stop。我個人就唔太suggest 呢個時間去，係去都3月底前去，再遲的話不但睇到個機會愈來愈低，仲會冇咩野玩，我自己試過最後一次係4月中睇到既。凍又唔夠凍，雪又唔夠厚，天又唔夠黑，d staff 又個個開始holiday mood。有得揀的話，就盡量唔好啦～ (Reindeers, April 2014)Q2： 係咪晚晚都有ga？有冇話幾點開始？A2: 唔係晚晚都有，可以2個星期咩都冇，又有試過連續10幾晚都有。時間呢，就要個天夠黑先會睇到，話唔到係幾多點，因為日照時間長度差好多，所謂既日頭for example，o係 polar night 極夜既時候，日照時間係零，因為個太陽都升唔上個地平線，只有around4個鐘光光地。出現既時間係好random，有試過4－5點pm有，又有試過係4－5am！你估佢唔到～！ 大自然的奧祕～！ (Aurora, February 2015)Q3：有的話，通常出現幾耐ga？A3: 呢個都真係冇定，我試過由見到，再去拎相機，影埋，到消失前後都冇3分鐘。可能係我發現得慢呱～～又有試過阿鄰居話有，我mimimomo 慢慢咁煮埋加食埋個飯，再去著鞋，著褸，拎相機，再去影都仲未完，大大話話都有成3個鐘！不過，in average，平均都有10幾20分鐘！聽d當地人講話試過成晚不停出現～直至天光～！寫住咁多先。。。下回再續～！ (My First Aurora, 13 October 2013)
