https://www.youtube.com/watch?v=opO9ETow1fA Mr. Toilet House 解憂齋 해우재(廁所文化展覽館)位於京畿道水原市 如果你由首爾搭(地鐵+巴士)過去,大概要個半鐘左右。 成個展區可以分為三部份, 一邊係展望台+兒童體驗館, 一邊係廁所歷史文化展示館, 另一邊係室外公園。 係頂樓展望台望去對面,就可以見到個好大嘅廁所 (其實係廁所歷史文化展示館) 個展望台都幾大,繞場行一圈仲可以睇埋周邊嘅郊區民居景色。 落返去會見到世界廁所組織(World Toilet Association)嘅辦公室, 雖然唔係人人入得, 但我地都可以拜訪另一種人人都入得開辦公室----廁所嘅 XD (女廁嘅門鎖設計都幾特別架) 中間嗰層有個兒童體驗館,講述關於「點解要便便/放屁」、「便便的種類」、「如何衛生地去便便」等等小知識, 仲有一啲互動遊戲同影相佈景。 雖然話就話係俾小朋友嘅, 但其實我覺得大人入去睇下都幾得意,同埋平時無幾何會咁認真地認識自己嘅便便,學下野都好。 過馬路去對面嘅廁所歷史文化展示館, 就主要講述廁所對世界衛生嘅重要性。 特別之處係你入場嘅時候可以攞一本導賞passport蓋印仔。 至於室外嘅廁所公園, 就有好多大型嘅擺設可以俾你影相, 影完準備走嗰陣, 你仲可以係出口附近斟水添~ (小編試過,飲完無肚痛,有片為證) **拍咗片(置頂),如果大家唔介意可以click入去睇下 :) 另外關於解憂齋嘅link: http://big5chinese.visitkorea.or.kr/cht/SI/SI_CH_2_1_2_1.jsp?cid=2003891 https://www.haewoojae.com:40002/Default.asp ——————————————————————————————————————————————————— Youtube: OSRandom || https://www.youtube.com/channel/UC2oB9QCXs-RKtaKChrz4dKg Facebook: OSRandom 文記士多 || https://www.facebook.com/OSRandom/ Instagram: mtzcherry || https://www.instagram.com/mtzcherry/