之前上網睇片有人介紹唔同地區嘅西多士，今日就揀咗位於香港南區鴨脷洲嘅陳新記去試吓😋招牌一口西多士$29 個西多士一黎到已經聞到香噴噴既炸野味，你望到個牛油半溶都估到佢係即炸個西多士一上枱係有幾熱。佢同一般出面西多士上枱唔一樣，佢唔係一個正方形，而係會幫你切好一粒粒上，岩晒一口一粒，佢仲會幫你落埋煉奶同埋牛油，基本上真係一上枱拎起叉就食得。個西多士仲炸到粒粒都金黃色，每粒西多士既邊都炸到脆卜卜，每啖都充滿住牛油同煉奶既咸甜。真係超好味，果然冇介紹錯。陳新記除左西多士，其實佢仲有好多港式粉面，我同朋友叫多左碗牛腩河share。牛腩河粉 $28 佢炆到啲牛腩好入味又唔會痴牙，仲有成五大件牛腩咁多，河粉量都係成碗滿晒，又平又大碗，好彩叫左一碗share如果唔係實食唔晒。 下次黎想試埋佢其他小食，佢仲有炸雲吞炸片頭全部都好似好吸引，但係今日食左西多士加碗河粉已經太飽喇。我一定會再黎試埋其他野食先😋陳新記地址：鴨脷洲鴨利洲大街鴨利洲市政大廈1樓https://m.facebook.com/ChanSunKee/?locale2=zh_HK
