出走東京後，今次車仔黎到暖笠笠既泰國，但唔係去曼谷，又唔係去芭堤雅，今次係去布吉，實行暖粒粒之旅。 因為大多出走東京時都無帶屋企人去，家中母親大人已經經常性依依哦哦，但本人深信我的母親大人並不喜愛日本，所以先唔同佢去，好喇，細個個時你帶我地去曼谷芭堤雅，我今次就帶你去返你未去過既布吉喇。 布吉又有分芭東區，邁考海灘，卡馬拉海灘。如果想夜晚熱鬧的既，就可以好似車仔咁揀住芭東區，因為芭東區屬於最熱鬧既區域，有夜市，有酒吧，帆船商場亦係位於芭東區的，唔使愁夜晚搵唔到食。車仔今次上網租左私家車仔連司機，預約左一日加另外機場接送，（因為帶住母后所以為左母后有得舒舒服服所以先book）順便仲book埋local tour去帝皇島浮潛，咁就搞掂喇。 話返説回頭，依家講返當時book車，自己上網搵左好多資料，唔搵真係唔知布吉淨係book車都咁分咁多門派，有老字號師太，正可能因為老屎忽，所以好多劣評，另外有新掘起既布吉偉林，喱個的人話唔錯，車隊準時有禮貌，但就因為較新所以沒有太多資料去support佢，最後亦係車仔最終選擇，香港man哥，喱個man哥您百分百香港人，同胡慧沖一樣，你可以係email問清楚man哥價錢意見先決定book唔book，我個次去完布吉先覺得佢真係掂，無吹水，個時飛到過布吉，因為個喼出現問題所以係機場搞左成個鐘我出到去，心諗，大劑喇，過左咁耐個司機會唔會走左架，行到出去接機個度唔見人，再行出多一個門口，我見到個司機仍然拎住我張名字等緊我地，喱下真係覺得唔係流料。 第二日出車去old town司機都好準時係酒店門口等，佢車你去一早同man哥講左想去既地方，另外你可以再加插新地方，司機亦都會好樂意車你去，上次我話想去週末市場佢話個度無咁早過就話去另外個幾多地方會順路的，仲介紹左我去食一個當地人先會食既海南雞飯，仲帶左我去唱錢，成程平靚正，最後夠鐘返酒店既時候，因為我想去多次weekend市場買宵夜，咁佢車完我地去返到酒店已經過左半個鐘，理應我要俾返ot錢佢，佢就話唔使，仲話黎緊喱幾日叫我地玩得開心的，最後我都以小費形式俾返ot錢佢，咁就大家都開心喇。 其實如果係途上唔明泰藉司機講咩溝通唔到個時可以叫司機打俾man哥，同man哥講，man哥就會指示司機我地既意思，無買電話卡既去到當地亦可以用email聯絡man哥佢亦會好快咁覆你。老闆用心，車隊有禮準時，唔sell你去邊度邊度，唔問你拎小費，所以下次去我都會搵返man哥，其實，做生意用心真係差好遠，我返到香港仲特登send多左個email唔該man哥今次既幫忙，希望佢越做越好。
