牙.牙.牙。我諗係東京除左日文聽得最多既就係烏鴉叫，日本既 烏鴉係真係好鬼大隻，尤其係佢個烏鴉咀，我諗俾佢啄一野，隻手一定 瘀硬。 今日出發去上野動物園，如果去到上野想行二木果子店又想行動物園既 話一定要行左動物園先喇，因為個動物園真係好大同係JR上野站行上去 都唔好話少野，都有一段距離所以唔好好似我第一次去咁樣，係樓下阿美 橫丁行完先再上動物園，未行完個動物園就已經腳軟，因為上野動物園分為東園和西園， 面積係真係大既。 公園入口就係京成上野站隔離條樓梯上就得 入動物園買飛既時候，只要你show個passport出黎，就會平少少。 因為本人個日去上野既時候行到成隻蕉咁，所以就無點影過相，我只係 係我仲有力既時候影左喱隻龜，唔好講笑，佢真係好大隻。 http://www.tokyo-zoo.net/sp/ueno/ 其實去到上野我已經唔再行二木果子店，因為佢有好多款零食香港已經有賣， 但因為上野係出機場必去既地點，所以依家我去到會係阿美橫丁食完野再食多 串生果先行去搭車走人。其實阿美橫丁有好多野食同都幾平，唔錯架。 車仔係facebook開左個專頁叫'為食車'，會同大家一齊去搵好野食，希望大家可以多多支持喇
