當車仔遇上宮崎駿，車仔會係相當滾動，因為車仔太鐘意睇龍猫，千與千尋，幽靈公主，哈爾移動城堡喇，我早就係香港日航天地買左飛，預定左一個日子去， 由池袋出發坐山手線去新宿，再轉中央線到三鷹站，沿途可以行過去，因為一直都有路牌指示點行，不用怕盪失路，但如果行都要行返15分鐘，沿路風景都不錯，行得舒服既。 遠處望你會見到巨大的機械人係美術館既天台正中間 若果唔想由車站行去三鷹美術館，可以選擇搭巴士，三鷹站南口有龍貓巴士可搭乘，10分鐘一班，約5分鐘抵達三鷹の森ジブリ美術館。 美術館內只有部分地方可以影相，同埋係門口入場既時候會送一張菲林片俾你，因為我上次行行下跌左非常唔開心，所以大家要好好保管，無得拎第二張架。 除左係館內睇到宮崎駿真跡外仲會見到卡通片裡面既水泵，樓梯，仲會見到好多媒炭屎鬼 三鷹の森ジブリ美術館．宮崎駿吉卜力美術館 地址：東京都三鷹市下連雀1丁目1番83号（都立井の頭恩賜公園西園内)營業時間：10:00～18:00（每星期二休館） 請注意，一天只有四個入場時間 第一場入場時間10:00（到10:30為止） 第二場入場時間12:00（到12:30為止） 第三場入場時間14:00（到14:30為止） 第四場入場時間16:00（到16:30為止） ※ 咖啡廳的營業時間從11:00～19:00，最後進入咖啡廳時間為18:00，最後的點餐時間為18:20 若大家想睇多的關於東京食既介紹可以去車仔Facebook 專頁到一齊搵食 https://www.facebook.com/pages/%E7%82%BA%E9%A3%9F%E8%BB%8A/1461299924185454（為食車）
