車仔愛旅行，現更愛上自由行，鐘意幾點起身就幾點，鐘意點行就點行，今日遠的就遠的喇，想係附近行咪行附近囉，不過全程都係係咁食係咁食，鐘意食咩就食咩囉（如果食得落） 哈哈哈，平時返工已經跟規矩，難得草到多幾張紙梗係要放鬆下，俾自己一個好交代喇，俗語都有話自己都對自己唔好無人會對你好.好我要飛喇 第一次，我決定左要去日本，唔知點解細細個就已經好想大個自己搵到錢就一定最少去一次，行左四五間旅行社，睇左好多機票酒店網，終於俾我用左4xxx既價錢買左個package。CX早機去晚機返，住池袋sunshine city去六日，因為咩都唔識第一次我仲係旅行社買左機場limousine飛，直達酒店門口，走個時又一定可以準時到機場，雖然貴的但第一次係咁架喇，又去左日航天地買宮崎駿飛，上網租埋wifi卡，等到個日，執齊野飛嚕。拜拜你條尾 東京係一個好吸引人既地方，至少佢吸引左我。第一次好緊張好開心，第一次感受落大雪，係東京停電，係零下既溫度踩錯路成身腳浸左落冰水，凍到無知覺，壽司，烏冬，拉麵，原宿crepe，飯團，全部都放哂落我肚，哈哈哈
