公主飯糰!哇,係咪突然間好有氣質咁呢~ 大家可以撳以下呢條link follow返我地上次有咩搞作^^ 原住民ON FIRE! (I) 事關我地體驗完成個cooking school之後,除左對佢地部落有基本嘅認識之外, 亦份外增添咗一份對於部落嘅感情、仲沾染咗一身原住民嘅「除」~ 而且亦都對部落呢個廚藝教室背後嘅理念同故事非常之好奇, 所以我地就走咗去同部落入面嘅大廚傾下計,取下經~ 呢個咁有型既哥哥就係廚藝教室嘅大廚喇~! 其實,係關於一個返鄉青年嘅故事。 佢以前係出面打拼多年,甚至係泰國做過廚師, 但係幾年前毅然返嚟自己嘅家鄉———賽德克眉溪部落幫手, 全因為一份思鄉情懷。 其實唔只佢一個,部落仲有幾個青年壯丁都同佢一樣, 離開部落出外打拼過後,係出面學有所成, 帶住自己嘅能力同埋經驗,返嚟部落幫手,為部落出返分力。 最重要嘅係因為佢地都發緊同一個夢,有同樣嘅理想目標, 希望將自己部落嘅文化傳承落去。 就好似嚿磁石咁吸晒佢地返嚟,睇嚟呢度真係有種難以言喻嘅魔力。 佢地嘅熱情、衝勁、決心同努力,加上慢慢咁累積經驗, 為嘅都係想將賽德克獨有嘅特色文化,用唔同嘅形式呈現比大家。 佢地嘅付出同努力,你地又想唔想同佢地一齊分享呢份豐碩嘅成果呢?