<賽德克.巴萊>呢套電影,幕幕驚心動魄, 鏡頭底下360度全面展示賽德克傳統文化。 冇睇過?唔緊要,跟住我地一齊上速成班XD 賽德克族喺傳統文化嘅生活實踐上, 與Utux(祖靈)、Gaya嘅錯綜複雜關係上環環相扣。 傳統祭儀 - 年祭活動 Gaya係人生活係世界上嘅生活準則,因為人相信utux(祖靈)嘅存在, 所以必定遵守同埋實踐Gaya嘅誡命,以下會從三個部分嚟說明。 傳統Waya/Gaya 「Utux Tmninun」嘅概念,「人」不單只係由Utux所創造嘅, 生命終結後一定會返到祖靈居住嘅地方。 賽德克族人相信人嘅靈魂返到族人靈魂共聚處之前, 靈魂必須通過Hako Utux(靈橋)上面Utux Karan(螃蟹靈)嘅檢驗, 亦即係話,Waya/Gaya係由賽德克族人嘅Utux觀所延伸出嚟係世上嘅具體生活實踐。 邊個觸犯咗Waya/Gaya嘅規範,就等同觸犯咗Utux, 而呢個人嘅靈魂就冇辦法返到祖靈最終共聚嘅地方。 部落耆老帶領族人過彩虹橋 命名 賽德克族冇表示父系或母系血統嘅姓,亦都冇表示其家氏嘅氏族名, 取而代之以子父聯名嘅方式表示其家族關係。 一般會喺孩子嘅名後面加上父親嘅名作為區別。 原來名都有好壞之分, 男人嘅名以善於打獵、英勇、勤力工作者為之好名; 女人嘅名以善於織布、仔囡多、努力工作者為之好名。 由賽德克嘅命名文化可以睇得出其祖靈信仰嘅深遠影響,喺好與壞名嘅選擇過程中, 隱約會睇到賽德克人相信祖靈會庇蔭子孫抑或禍及子孫, 俗語有云:「唔怕生壞命 最怕改壞名」 仔囡將來可唔可以順利成長同發展,就關乎父母有冇幫佢地嘅後代改返個好名喇。 受到日本政府禁止而無紋面耆老(左)、老紋面耆老(右) 紋面:成年的象徵 紋面係賽德克族成年禮嘅一項標記,係賽德克族「美」嘅象徵。 以前賽德克族嘅部落入面, 只有滿咗成年又已經識打獵嘅男人先可以紋面; 而女人呢,要學識織布,先可以紋面。 男人紋面會紋喺額頭T字位同下巴; 女人會紋喺額頭同臉頰(面豬登),由嘴角兩邊向耳仔斜上去成V字型。 而且女人紋面嘅範圍比較寬,幾乎覆蓋成塊面。 紋面對於賽德克族嚟講係一種美學,另外都隱含住對未婚婦女貞潔嘅檢驗。 過去傳統嘅Gaya認為,若果女人紋面之後傷口潰爛, 就代表佢婚前不貞,會影響到其名節同家庭形象。 由於紋面嘅成年禮同「獵人頭」嘅習俗相連, 就成為咗當時日據殖民時代,日本人首要禁止嘅文化習俗喇。