賽德克部落嘅 Dress code XD 一入到嚟,就有一件專屬賽德克部落嘅披肩以示歡迎。 佢地好強烈咁散發出當你係一家人、自己人嘅感覺。 由本來好陌生,我地亦因為咁好快可以融入到個氣氛。 Home sweet home ^^ 順帶介紹比大家,織布嘅紋路有以下呢幾種: Tinun bale平紋織 Cnuru 斜紋織 織布係賽德克族最重要嘅物質文化,透過整理苧麻線,加上特殊嘅織法, 塑造出有別於其他族群嘅織造技術同特殊嘅文化意涵。 Pacing doriq菱形織紋 菱形紋傳統上被稱呼為 doriq(眼睛), 甚至被解釋為一種隱喻嘅說法為:「祖靈嘅眼睛」, 取其意即係:「女人努力於家庭嘅責任,使家人有衣可蔽體,否則必遭懲罰」 Gnsuguc花織 pala puniri 浮經紋 而家我地興「男主內,女主外」, 多咗好多男人係屋企煮飯湊仔而女人就係職場搏殺搵奶粉錢。 不過部落呢度傳統文化貫徹始終,都係男人負責外面嘅工作為主, 男同女係角色上亦分得好清楚。 以編織嚟講,男人比較擅長織藤籃,藤籃可以裝大量新鮮採摘嘅食材; 而女人呢,就主要留係屋企負責織布、湊仔,做賢妻良母XD 織布幾乎係啲婦女每日都會keep住做嘅事,同食飯、沖涼、訓覺一樣咁重要架~ 傳統編織係昔日賽德克族女子必備嘅技能, 其編織嘅成就亦堪稱為原住民藝術美學中之一絕,蘊含咗先人嘅智慧。 係經緯交錯之下,織入咗語言、文化、信仰同生活等元素, 展現出屬於賽德克婦女嘅特色同榮耀。 可想而知布藝對於佢地嚟講嘅意義有幾深遠。 部落婦女學習捻紗 部落婦女學習繞線理經 耆老傳統地機製作布疋 曾子曰:「士不可以不弘毅,任重而道遠。」 望住佢地埋頭苦幹,我地得出一個結論。 佢地織織復織織,木蘭當戶織; 我地織織復織織,唔識就唔識XD