推介 Ali 的原因...唔係因為我結婚, 都唔係因為我想結婚, 而係因為我有朋友結婚, 佢安排俾姊妹們0既 hens night 節目竟然係... 一堂 Facebook/ Instagram/ Social Media 影相 workshop!爆哩... 估佢唔到哩... 但你又真係要寫個服字俾佢, 因為真係好實用, 班姊妹們當然好開心啦, 然後到新娘結婚果日, 我地幫佢影D相又會更上一層樓... 呢次真係 win win...而 Ali 就係我地當日0既老師. 果日玩得好開心... 而且的確學到好多野, 最起碼, 我影D相, 真係出現質的改變. 佢最正係夠幽默... HAHAHA 同場我有個朋友都幾豬豬下, 其他幾個朋友都同佢講到反晒白眼, 但Ali 仲好好脾氣咁慢慢同佢講. 三個鐘, 真心無冷場.玩左幾個鐘之後, 我影D相, 由咁... 變到咁喎! 抵唔抵讚先!?然後我再 google 佢D資料啦, 就發現... 原來 ali 係一個好出名0既婚禮攝影師... 佢D相, 仲上過報紙架! 我都係因為係 workshop 度識左佢之後, 上網睇時先發現原來佢有好多印度人家庭都搵佢影結婚相.. 然後, 再睇睇下... 先發現原來印度婚禮真係好靚架... 好多色彩, 好豪華.我朋友係中印西混血, 所以佢0既婚禮會樣樣都有D, 但因為佢唔分享出黎, 所以就話唔出樣啦.不過我都搵左幾張我好喜歡既相黎同大家分享. 佢係一個好叻去捕捉新人真情流露得黎又好靚0既果一刻. 所以睇落, 好震撼.而且好動態, D相唔悶. 講真呀, 我做左X次姊妹, N次伴娘. (講得N次又點止 5 次呢, 傻豬黎0既, 大家後來應該係睇中我唔怕嫁唔出去...)結婚相, 我慧眼都睇左勁多. 有好多好似一個模咁倒出黎, 勝在平、靚、正. 但 ali g 唔係, 而且, 以我所知, 價錢唔係貴 (印度人用得0既, 通常都性價比好高.)大家有興趣可以去睇下佢D Work 呀!網站: https://www.aligstudios.com/電話: + 852 6110 0569