嘩! 嘩! 嘩! 好耐無寫過野啦! 係首先的首先! 小編鄭重公告... 由於 1)小編0既主頁名就叫雪豹... 2) 小編個名有時都幾易俾人叫錯... 3) 上次同朋友去哈爾濱時, 有個朋友叫左我做豹豹, 我覺得呢個名都幾順耳之後... 以後小編就用豹豹黎做筆名 (nickname)啦!! 其實豹豹今日應該好忙的... 但... 天氣 + 溫度 + 心情 + 環境 + 一朝早起就就突然彈左個鬼故出黎之後就掛住聽... 聽到唔記得左時間... 十萬種原因! (其實... 1個字講晒...說晒... 懶!) 所以... 豹豹今日決定... 抽番個零兩個鐘出黎寫下文章啦! 話說今次想講0既係... 日本0既 off season 滑雪跳台訓練基地... Quest! 事先聲明... 雖然去 Quest 係主題, 但豹豹諗黎諗去... 都係覺得應該將成個行程寫晒落黎... 所以有與滑雪不相干0既野寫左落黎的話... 大家... 無興趣0既就唔好睇, 有興趣0既就歡迎參考啦! 點解揀 Quest 呢? 因為... 1) 聽聞自從 Quest 起好左之後, 日本0既跳台滑雪程度突飛猛進左好多! 2) 雖然最近深圳都有得跳 airbag, 但鑑於深圳果個開左無耐... 對於跳台初哥(菜鳥)0既豹豹黎講... 始終都係揀番係日本覺得有信心D... (因為豹豹叫做拉車邊識左始創人, 知道佢勁!) 3) 其實純粹借黎做籍口... 因為 Quest 唔係咁方便0既關係, 所以係一定要租車去! 既然要開車! 所以豹豹就想順手去埋一0的豹豹一直都好想去, 但交通又唔係咁方便0既景點! (真係順手! 呢D side trips 絶對唔係重點!) 好啦! 前言講到呢度為止, 直接入肉啦! 話說豹豹今次抵達日本0既時候, 係星期五中午... 而約埋一齊去0既朋友, 就要星期六先可以係橫濱走, 所以豹豹第一日拎左車之後, 就決定即刻開車入去江之島同鎌倉度觀光下先! 第一晚, 係機場度拎完車後, 再開到去江之島時, 天已經差唔多黑晒啦! (由成田開去江之島要差唔多二個半鐘)...於是豹豹就早早訓著左, 諗住養足精神第二朝一早出去周圍逛啦! 日本有樣野好, 就係早早就天光... 所以實在非常適合豹豹呢0的 "五六點就起身"0既老人家呀! 豹豹訂0既民宿就係江之島海邊, 大概十分鐘路程... 所以一行出去就見到咁靚0既景色... 實在精神為之一振呀! 係海邊散完一陣步之後, 豹豹就番去旅館拎車, 再開大約二十分鐘車左右去高德院睇日本好著名0既鎌倉大佛啦! 豹豹最鐘意呢對草鞋... 正面都無乜野, 豹豹見到佢背面果兩面窗, 突然之間覺得個大佛親民左... 大家係咁熱0既天氣下面都要透透氣... 睇完大佛, 豹豹再得左五分鐘左右大佛隔離個長谷寺觀音度睇... 本身諗住係門口望睇, 無乜人就去拎車走番去橫檳接埋個朋友去崎玉 Quest ... 點不知... 一去到時發現... 超級多人!!!多人過佢本身應該係最出名0既大佛幾倍添! 以豹豹呢D "有熱鬧梗係埋要去湊下啦"0既性格... 當然係跟大隊入去望啦! 結果... 原來人群係入黎賞花架!!! 成個寺入面全部都係豹豹最鐘意0既藍白祡色系0既花, 超靚! 一路賞花, 一路行上個高小小0既小徑度望下鎌倉0既全景... 睇下幾多人呢... 賞完花之後... 因為要趕住去橫檳接番個朋友, 先去佢間整餅學校係新宿間鋪度買蛋糕... 再開車入崎玉 Quest... 長谷寺最出名0既觀音都無乜點望過就拿拿聲落山去拎車啦! (仲要唔係因為豹豹要寫呢篇文... 自己都唔知原來我無望過佢個主題"觀音"呀!) 事先聲明! 唔係豹豹偷懶... 因為 Quest 佢0既 opening hours 係星期六下午...豹豹早早入去都無用 本身係鎌倉/ 東京直接入埼玉 Quest 應該係二個零鐘, 但因為豹豹中間屈左入去橫濱同新宿... 前前後後開左差唔多四個鐘先到埼玉 Quest! 其實去到已經覺眼訓... 但見到呢塊牌, 豹豹都即時精神晒! 難搵嘛? 其實唔難... Google Map 會帶領你... 但真係好偏好鄉下的! 所以有興趣去的朋友最好預2日1夜或者3曰2夜! 因為跳完真心攰! 再開番車出巿區會好辛苦! 好啦~ 今日寫住咁多先! 下篇先入肉! 喜歡這篇文章的請追蹤我們: Facebook: 雪豹 Snow Panther (snowpantherhk) Instagram: snowpantherhk YouTube: Snow Panther HK 另外我們也剛就著友人的專業寫了一個網頁… www.hk-xcskiing.com 雖然現在還沒完善… 但我們已經寫好了一些文章, 也拍了一些視頻. 會慢慢把資料都上載到網頁的, 希望大家多多支持!
