帶埋狗狗/貓貓去滑雪/旅行? 我都好想... 但無奈要帶埋寵物去玩... 係時間/ 手續/ 金錢/心力或者係佢地0既適應能力上都有0的不切實際... 始終... 對香港黎講, 去一個正式0既旅行, 就要搭飛機. 唔似係外國咁, 開架車就可以去到好遠... 帶唔到我地D 寵物Baby一齊去旅行... 就惟有留佢地係香港啦! 如果同屋企人一齊住的話, 當然唔使擔心... 但如果大家係自己一個住/ 同伴侶住/ 同朋友一齊住... 而你地係會一齊去滑雪/旅行的話... 無可避免就要搵地方安置我地0的狗狗/貓貓啦... 放朋友或者屋企人度? 可以既, 但俗語都有話"長貧難固"呀... 如果你好似小編咁... 一走就走幾個月. 又或者幾個月入面已經會走幾次的話, 下下都要麻煩朋友... 其實真心會好唔好意思...而且爭落一身人情債... 其實都幾麻煩. 俾屋企人睇,又難免會俾人"哦"... 如果屋企人年紀有番咁上下, 叫佢睇住狗狗/貓貓, 又係一種幾大0既負擔/ 壓力. 但又唔放心(忍心) 要放佢地去狗酒店/ 寵物酒店...(無計, 小編自己養狗, 所以所有野一諗都係諗到有關狗0既, 養貓/免仔/倉鼠0既朋友就麻煩自己對號入座啦!) 話說小編前排同朋友傾開計, 就發現好多"主人"們都有呢個煩惱... 今次就係為大家介紹呢個小編覺得好好用0既網頁/ APP: Pawshake Pawshake 係一個主人搵Pet Sitter 0既網頁, 雖然係香港大家可能唔係咁熟悉... 但其實係外國都幾流行... 透過Pawshake, 大家可以選擇拎自己隻狗仔去人地屋企過夜/托兒/ 叫人黎睇佢/ 放佢出街/ 照顧佢... 每項收費通常由 1xx 到 2xx 不等, 講真, 去幾日都係俾一千幾百... 但因為明碼實價, 唔怕爭人情債... 放佢响朋友度, 番黎之後請食飯都分分鐘多過呢個數... 但重點係... 通常係 Pawshake 上面登記0既, 大家可以先見一見, 睇下環境/ Dog Sitter 0岩0岩, 夾唔夾先... 而經驗中, 大部份0既Pet Sitter 其實都幾有愛心. 而且因為大部份0既pet sitter其實都有正職... 所以佢地每次都只會收 1 個 client... 就唔怕會因為同其他狗相處而攪到交差感染... 小編有個朋友, 佢前排新養左隻狗仔幾個月之後屋企裝修, 就係經過 Pawshake 係西貢搵到個 Dog Sitter 睇左佢一個月, 千幾呎屋任佢走, 日日帶佢 2 - 3 次街, 次次出街都幫隻狗仔拍 video, 而且我朋友番左香港之後, 個 sitter 仲直情車埋佢隻狗出中環俾番佢! 佢連接都唔使接番隻狗... 聽聞佢本身隻狗對眼好易發炎, 拎去果陣時本身都有0的發炎, 但放完係果個人度, 番黎好左好多...但原來個 Dog Sitter 日日幫佢用生理炎水洗眼, 又幫佢換左隻防敏感沖涼液. 結果隻狗番到屋企之後... 真係肥左又靚左... 皮光肉滑咁款... 聽聞隻狗仔番到我朋友屋企之後, 有0的 post holiday depression 添... 上面果兩張相就係我朋0既狗狗去左渡假時0既每日散步路線同風景啦... 睇完... 講真... 其實小編都唔介意"做隻狗"... 各位主人, 下次去旅行, 不妨考慮下! 當然... 你搵唔搵到個好似我朋友果個咁好0既... 就真係講運氣啦! 不過點都叫做有多個選擇! 你去滑雪/ 旅行時, 希望大家0既寵物都有一個同樣愉快0既假期!