其實諗左好耐到底寫唔寫雪場好... 因為如果各位係去過的話, 其實我講0既... 你地都知... 睇落會好悶. 但係諗諗下又覺得... 唔緊要呀, 反正... 1) 總有朋友係未去過, 當係同佢地分享下我0既經歷都好... 2) 就算係去過0既朋友... 都可以照睇, 反正都係個人觀感... 咪睇下會唔會有野係我無寫或者大家會覺得英雄所見略同? 所以... 都係寫吧啦! 話說鴉片去過0既雪場真係唔算好多. 但歐洲去過, 日本去過, 加拿大都去過... 我發現好多時現行0既, 都係寫日本多... 咁不如寫番篇比較篇? 韓國、美國我就唔寫啦... 因為未去過... 寫0的我去過架啦... 日本: 日0既雪場最大特色係... 細! 有時去著0的細雪場... 你真係覺得佢好似"求其搵個山你起個滑雪場",一個鐘頭行所有雪道, 二個鐘頭夠玩埋山背同野雪(如果有的話). 好多时所謂0既山連山... 其實都係好快可以行晒0既情況... 同0的山好矮... 好多時你玩兩玩就玩完一條Trial... 又要搭chairlift.. 如果個雪場設計得好0既, 你可以lift 駁 lift, 直搭上山頂一野滑落去山腳,,, 設計得唔好的話... 玩ski都好0的, 但玩snowboard就會好慘... 要又著又除好多時... 又要行平路... 上山先可以再玩... 會極度無癮... 講完0的負面野... 講番0的正面先... 日本雖然細... 但佢0既粉雪 (仲要係Champagne powder果種呀!!)... 係其他地區無得比0既... 其他雪場要講天氣講日子講時辰先至有0既 powder snow... 好似上果面張圖咁樣0既"一片埋去就漫天飛雪"0既情況响北海道0的雪場差唔多係"日日如是". 0的雪唔夠粉...塊地硬0的果陣時大家會講0既係 "唉, 今日天氣真係麻麻"! 亦因為咁, 所以好多人去完北海道之後, 都中晒毒咁... 包括鴉片在內... 如果一年之內我只能夠滑一次雪... 我一定會揀... 日本北部... 至於我會揀邊個場... 大家之後慢慢睇啦... 我會一個個寫... 況且日本太近... 不論機程... (3 到4 個鐘) 或者車程 (好多都1到3 個鐘內到) 都好快到. 太方便... 好平! 唔計機票平一截, 淨係夜晚出街食飯已經多選擇好多! 細鋪仔0既價錢平過歐洲好多! 仲有... After Ski 太好... 有溫泉... 飲飲食食...清酒... 同日本人招待都通常幾好... 雖然日本講日文, 但老老實實講, 係 Ski resort area 用英文加漢字加朋友總係可以解決到你要做0既問題. 因為話晒大家成班朋友入面好高機會會有一個朋友係去慣去熟... 如果要我用一張圖黎形容日本人0既服務態度的話... 我覺得會係... 即使佢唔識講或者唔明你講乜... 佢都會好好態度... 而且日本本身係一個幾多Snowboarder 0既國家, 佢0既雪場設計好多時都幾適合玩Snowboard 0既朋友... 除左某幾個場, 玩 Snowboard 0既朋友都會幾舒服同周圍都可以去. 加拿大: 同日本相比的話... 一個字: 大!上山0既Cable Car 已經要搭十分鐘, 再要轉幾次Chair Lift先上到山頂. 山連山之間除左滑過去仲可以揀搭好似海洋公園0既 Cable Car 過去, 不過耐D! 山大自然多野玩架啦... 不過雪質方面就無咁好啦... 雪量夠0既... (如果唔係好似上兩年...歐美唔夠雪0既時間...) 但要粉雪就要睇日子... 唔係被寵懷了果種... 但佢的確有佢0既粉雪時候同地方... 加拿大0既場同日本一樣, 都幾多Snowboarder, 所以Snowboarding 0既人都會玩得幾開心... 至於語言方面: 極易! 因為講英文! 除非你去法文區0的人好唔願講英文果度! 加拿大人係好Chill 0既, 所以去行街買野都好容易方便輕鬆! 如果要我用一張圖黎形容我去加拿大0既購物同問野經歷... 就係咁... 如果係去 Whisler 的話, 又想買野0既, 記得去 the 4th avenue 行下... 成條街都係賣Gear , 仲好平添! 另一個特色: 貴.... liftpass 已經貴過日本一截... 要住近 resort area 更貴... 山大... 個 town 更大... 所以相對黎講... 如果住得唔係咁遠的話行起黎更遠... 日本細係有好處架... 即使唔係最近... 但行過去都唔會太遠... 夜晚出街食飯... 普通一間餐廳都貴過日本好多... 但超級巿場0既特價係ok正常0既, 而住果度好多時都係chalet, 所以可以自己整的話就會慳番一大筆! (題外話: 可以的話早餐記得整Pancake 或者French toast ... 加"加拿大出品0既楓樹糖漿" 簡直一絶! 無錯! 就好似咁啦!! 真係好好味架!! 再加 2 塊煙肉就 Perfect 啦!) 如果你去過日本, 有番咁上下叻的話, 我覺得加拿大係下一步你可以揀0既地方... 因為佢都係一個好容易玩0既地方... 語言通, 雪場指示清楚, 個山大得黎0岩高級同初級0既地方都幾平均. After ski... 無左溫泉... 但通常有Pub 有Restaurant, 大0的仲有Shopping village: 同所有日常店鋪, 連電話鋪都會有! 不過都會貴過日本! 至於歐洲... 大! 唔使同日本比... 即使同加拿大比都係大! 全世界最大0既ski resort就係歐洲, 加拿大whisler都係排第二! 山都比加拿大高! 如果加拿大搭chairlift 0既時間係 "食一支煙的時間", 歐洲0既係 "食二到三支煙的時間" 日本係一日可以玩晒的話... 加拿大係幾日玩晒... 歐洲係一個星期先玩得晒... 5 至6 KM長0既trial係閒閒地0既事...我試過有一次上到山頂肚餓... 諗住滑落去先食飯... 結果半路中途入左條1公里長0既黑色極鈄 mogul... 然後再跟住要行一條大平路... 落到山腳果陣時落唔多餓到行唔到... 差D要食埋我條救命朱古力 bar... 大家可以睇下呢條Link: http://www.skiresort.info/ski-resorts/sorted/slope-length/ 你就見到全世界最大0既雪場就係歐洲啦... 山大, 當然多野玩, 但歐洲係一個唔係咁0岩初學者0既地方... 因為佢地0既 beginner trial 都好似人地 intermediate 咁滯... 二來歐洲普遍係一個比較冰0既地方... 佢會有粉雪0既時候, 但好多時都係硬0既地, 碎雪多. 可能呢幾年歐洲唔夠雪啦... 希望黎緊會好0的. 而且佢地0既教練係幾唔明亞洲人0既水平... 因為佢地小教... 所以唔知我地0既體加同運動細胞係咁差... 有時會跟得幾辛苦... 不過幾得意既係如果俾太陽射住0既就會硬0的, 無太陽0既就會軟番... 但歐洲亦都係咁多個場入面凍起上黎最難頂0既... 因為佢大... 所以坐chairlift時間會更長,唔郁自然就凍... 同埋零下二十度都係幾成日發生0既事... 好多時我都要預定0的暖手包包放係對boot入面... 而且歐洲場, 視乎你去邊... 佢地好可能... 係唔講英文0既... 因為淨係本土人或者講番同一0既語0既人0既生意都夠... 而且好多時... 歐洲人都識幾種語言... 所以去的話要有心理準備... 英文係唔通用架... 去左咁耐... 呢副圖我覺得都幾0岩非英語地區: 仲有... 佢地0既路牌指示... 係咁多個地方最差0既... 我係一個方向痴... 成日行錯路就一定啦..唉... 日本同加拿大都會有咁0既問題... 但我係歐洲就日日都行錯路囉... 而且佢地大部份都係 for skier 0既場... 所以snowboarder會辛苦好多... 因為多平路... 而且因為大... 所以平路好長... 平定貴? 唔... 住可以好平... 即使係ski in ski out都可以平, 但要你搵得到0的special deal先得... 唔係的話都係貴... 同加拿大有得比. 食飯方面, 出街食平過加拿大, 但貴過日本, 不過有時佢地0的超級巿場都係貴... 上到山先買就會貴過係出面買差唔多三成, 不過當然, 點都平過自己整啦! 但如果你地開車去,就最好係山下面買咁0的野先上去啦! 但講真, 如果係去正法國同意大利0既場, 出街食真係通常都好好食... 如果你鐘意飲酒... 佢地0既酒係... 無得比!!!! 通常我次次去滑完雪都會瘦番黎或者無乜點變... 但去歐洲真係唔得... 真係增磅番黎... 點擊圖片放大 +3 遠... 落左果十幾個鐘頭機之後仲要成日先入到去... 車程幾個鐘閒閒地... 或者火車轉巴士咁駁入去... 點都係遠架啦... 雖然佢有好多唔好0既野... 但淨係佢0既大... 係令到你流連忘返... 你諗下... 佢0既程度唔係山過山... 係國家過國家... 呢一點, 已經無得輸... 呢副圖我就係我對呢三個地方0既大小印象: 當你有番咁上下叻... 去歐洲啦... 唔識的話... 我勸你唔好本著 "我去歐洲學滑雪架" 呢種咁0既心態... 因為... 你會辛苦好多... 佢0既難度係比你想像中0既... 乖乖地留番係亞洲區學好左先啦! 好啦... 今日講到呢度先啦... 遲0的我會一個個雪場咁講我0既睇法... 鴉片有話兒… 如果你睇完覺得我寫得好想轉載的話, 無問題! 但希望你可以講聲俾我知, 如果你想抄落你自己篇blog度, 都希望你可以寫番你係引用我0既… 話晒都真係"字字皆心血"… 另外鴉片也剛開了一個facebook Page, 方便鴉片的朋友們(包括我親愛的國家隊Best Friend)留言分享, 有興趣的可以去like下… https://www.facebook.com/%E9%9B%AA%E8%B1%B9-Snow-Panther-574274846083467/
