之前寫左篇滑雪前必讀... 今日鴉片想分享0既係幾樣"無左唔會有好大問題, 但帶左之後你一定唔會後悔!"0既幾樣法寶! 好, 我地先由一號佳麗, "按摩膏/ 跌打酒/ 活絡油" 講起啦! 我自己通常都會帶兩支"按摩膏/ 跌打酒/ 活絡油..."之類0既野去... 一支搽完之後覺得熱0既, 一支搽完之後覺得涼0既... 試乎唔同情況, 我會用唔同0既藥膏... 如果覺得痛0既, 我會用搽完覺得涼0既... 如果覺得純粹係太疲倦0既, 我會用搽完覺得熱0既. 其實大家都知... 大部份香港人/ 或者城巿人0既問題都係... 運動太小. 即使我好多時出發之前都提定0的朋 "記得去之前做多0的運動呀! 記得去之前拉多0的筋呀!" 但實際上... 都好可能唔足夠. 而大部份0既朋友每次滑雪0既旅程其實都係得短短幾日至一星期左右... 本著"嘩!好耐無滑過雪啦!" or/ and "咁難得先黎到, 梗係玩盡佢啦!" 0既心態... 通常第一日大家都會玩得好盡興/ 過度. 於是乎... 第二日... 十個有九個都會覺得0的肌肉好酸痛, 又或者痛到唔想去玩... 再衰0的就係"肌肉疲勞過度" + "前晚飲得太多" 0既情況之下去滑雪, 跟住玩兩轉以經整親... 點算呢? 最好0既方法, 當然係去滑雪之前操Fit左自己先, 去到又識自制咁玩啦! 不過版主自認一定唔係0的咁自律0既人... 我又爛玩... 好多時都係滑完第一日之後, 第二日起身全身都痛果個... Thanks GOD!!!!! 係經歷左幾次0既問題之後, 我好快就發現左一個起碼幫我改善左五成0既方法! 如果我係去日本0既雪場, 我通常滑完雪之後都會去浸溫泉/ 澡堂. 然後係入面浸足成個鐘. 想像下你係一個室外溫泉... 再加上落住雪... 你一邊飲食酒, 一邊浸... 幾詩情畫意呢! 日本連馬騮都識享受過人! 但我0既沖涼過程一0的都唔詩情畫意, 仲好忙添!: 首先好似平時咁洗乾淨 - 浸五分鐘, 然後成個身暖晒之後 - 起身, 再去搽皂液係0的覺得疲倦/緊/痛0既位, 跟住係咁按摩果幾個位, 好似推油通淋巴咁推. (通常我去滑雪之前都會叫定個朋友幫我整定幾塊入面加左0的行氣活血0既藥材同薑手工皂, 呢塊皂就係專門用黎係澡當/溫泉/ 浴室係面按摩用 ...但無的話, 就咁皂液都OK!) 跟住沖乾淨個身之後又浸過用五分鐘 - 然後起身 - 再搽皂按摩 - 再沖身 - 再浸... 如是者, 重複幾次左右 (中間可以加插沖凍水當三溫暖)... 然後先起身抹身, 如果無撞到過或者關節痛的話我都會搽果支搽完會覺得熱0既按摩膏係對腳同所有痛0既位. 跟住著衫, 然後係個身仲熱0既時候再拉拉筋, 按按摩! 如果你唔係係日本滑的話, 就沖熱水涼啦! 水溫要比平時高一0的, 沖完成個身好熱0既時候就即刻搽按摩膏, 跟住先拉筋, 後按摩, 再拉筋! 跟住過多一個鐘之後再入去浴室用熱水沖覺得疲勞0既位, 再搽, 再拉, 再按... 做多幾次! 可以的話浸一浸 Bath, 加0的溫泉粉 or Bath Salt 就更正! 無的話去買0的Table Salt 都得! 通常咁做完, 第二朝起身都會覺得好好多! 好啦... 本身都想寫多小小... 但真係眼訓啦... 惟有下回待續啦! 鴉片有話兒... 如果你睇完覺得我寫得好想轉載的話, 無問題! 但希望你可以講聲俾我知, 如果你想抄落你自己篇blog度, 都希望你可以寫番你係引用我0既... 話晒都真係"字字皆心血"... 另外鴉片也剛開了一個facebook Page, 方便鴉片的朋友們(包括我親愛的國家隊Best Friend)留言分享, 有興趣的可以去like下... https://www.facebook.com/%E9%9B%AA%E8%B1%B9-Snow-Panther-574274846083467/
