[2022夏荷蘭阿姆斯特丹] 最後一篇阿姆斯特丹美食來了！其實呢個地方真係有好多特色街頭小食～真係試極都仲有！今次介紹嘅係荷蘭出名的焦糖夾餅，傳統做法係用焦糖將兩塊有格仔紋嘅脆餅痴埋一齊。而呢個店家就推出創意版，會係餅面加上M&M朱古力、棉花糖、果仁、Oreo等等，令佢嘅口感更加豐富，亦都更色彩繽紛。因為呢間店都幾有名氣，所以預咗要等15-20分鐘，但可以邊排隊邊睇住店員即場製作圓餅，都幾有樂趣。雖然真係超級超級甜，但都係值得一試的～ 背景：據說焦糖夾餅起源於18世紀末嘅芝士重鎮高達。當時麵包師隨意將工廠未用哂嘅麵粉、牛奶、蛋同埋糖混合，壓扁之後烘烤，就成為咗今時今日嘅小圓餅小秘聞：傳統焦糖夾餅嘅食法係先放喺熱茶上面3-4分鐘，等熱力融化裡面嘅焦糖，之後再食～地點：Van Wonderen Stroopwafels 地址：Kalverstraat 190, 1012 XH Amsterdam The Netherlands交通：位於阿姆斯特丹市中心，搭輕軌可至
