泰式小煎餅 (25 THB) 從賣相方面，煎餅顏色鮮豔吸引 小販將糊狀蛋漿即席製成薄薄脆脆嘅嘅煎餅 雖則啱啱先食完碗泰式湯粉（利申，碗粉唔多大，只夠剛剛豬子攝牙罅) 但見呢啲熱哄哄嘅可愛小煎餅，就火速令我豬慾大増，要馬上買嚟試味試味 半曲嘅煎餅包住黏黏稠稠嘅椰奶泡 外觀就似融咗嘅棉花糖 而奶泡上面亦放上蛋黃椰絲（未食之前以為喺紅蘿蔔絲） 整體煎餅嘅椰汁味不算香濃，而且口味偏甜，但香脆嘅煎餅同甜蜜奶泡同椰絲嘅配合下 組合成一味簡單而可口嘅傳統泰式小吃 推薦度: ★★★☆☆（5粒★為滿分 香蕉煎餅(40 THB) 喺泰國街頭，真係隨處可見售賣香蕉煎餅嘅路邊攤 呢種叫rotee 嘅煎餅同班戟外形差唔多 搓到薄身嘅麵團放在鍋裏以大量嘅滾油將餅皮煎脆 包上香蕉後，淋上大量煉奶同豬古力醬就大功告成 最初身為無添加氣質派嘅健康豬隻，對於呢塊滿怖油光嘅魔鬼版嘅高卡甜品，我係拒絕的 但一吃下，不得了 外層煙韌嘅餅皮，內裏包裹住熱辣辣呈半溶嘅香蕉 再混合埋煉奶同豬古力醬真喺夾到無朋友，絕配！， 雖然食到成個豬口都係油，攪到儀態盡失 但美食當前，當然要搶食咗先算 推薦度: ★★★★★（5粒★為滿分） 泰式椰汁榚 (30 THB） 質感喺淋坺坺嘅椰汁糕跟想像中嘅彈牙糕點落差 椰汁糕鹹鹹甜甜，椰子味道香濃，另藏粟米粒，鹹甜互相交集嘅感覺奇妙 就喺咁鹹同甜嘅雙重味道，由內而外，再由外到內充分摻出泰式甜品嘅獨特囗味 推薦度: ★★★☆☆（5粒★為滿分） #豬遊記
