去完媽閣廟,原本諗住食人氣~羸到粥 不過因為無Book位,要9點半先有位,等唔到3個鐘,所以無得食,唯有等下次再來食啦~~ 原本諗住過氹仔食波爾圖算吧,但諗到附近有一間叫長城燒烤,但唔識路,米先生去左士多問婆婆,原來間野在媽閣廟附近,媽閣廟一出大街,轉右第一個燈位再轉右上斜就到,鄰近仲有間鉅記。 長城燒烤之前都有聽過人介紹,以為會有好多人,但去到,門可羅雀,可能因為是星期三或者未到食飯時間(我地6點就來)。 店舖企理,全鋪都是可口可樂既裝飾,細至碗碟,大至牆壁,都係同coca cola有關。 點擊圖片放大 米先生即刻引唔住係咁影相,完全唔記得我地係來食野>.< 因為太肚餓,我都無理到米先生就叫左我喜歡食物~ 叫左燒咸豬手、燒牛肋骨、燒墨魚、燒沙甸魚、蒜蓉包,仲有蒜蓉炒西蘭花。 應該都夠食吧~ 燒牛肋骨同燒沙甸魚,好味的,但不太特別。 燒墨魚,份量足,加上wasabi醬,幾match~ 蒜蓉包,重牛油味,喜歡牛油的人士必須要食。 燒咸豬手,鐵板上,好大碟,唔太咸,唔油膩,似是招牌菜,但可惜製作需時,最後才出現,所以之前唔好食咁飽,要留一留肚去食。 I 最後我要重點介紹個蒜蓉炒西蘭花,因為平時食會只有蒜蓉味,蓋過菜的味道,但今次呢碟家常小菜,多了一份新鮮fresh的味道,正! 燒烤原本要配可樂或啤酒,但米先生是日已飲食超標,所以得我一個可以飲可樂,哈哈~ 離開時仍唔見有一兩枱客......