食完野，今次唔去賭場，同米先生拍下拖先。 其實澳門都有好多浪漫既地方，今次推介南灣雅文湖畔。 唔難去，係英皇娛樂酒店及八伯伴對面，有個小公園，經過見到M記，隔離就已經寫住去到南灣雅文湖畔。 入到去，見到好大個湖，湖旁邊好多長櫈，當日幾好風，有幾對情侶，又唔多人，感覺好舒服。 重點來啦，就係玩水上單車，隻鴨仔單車好可愛，連米先生都咁講。 個湖都幾大，平日無咩人(其實係冇人)，可以靜靜睇下風景，談下心。 玩30分鐘，都係20蚊，真係抵玩。但4人船就係40蚊。
