今天澳門快速行,主要去左三間鋪頭食東西。 第一間係牛記咖哩美食, 如果搭港珠澳大橋入澳門,搭101X巴士在海邊新街站落,行前兩步就到啦~ 今次係第二次黎牛記,上次食過蟹黃撈麵及水蟹粥,個麵啖啖蟹糕,而粥就好有蟹味,所以要encore。 但今次食明顯同上次差左,特別係個麵,小左啖啖糕的感覺><,唔知係未因為而家唔係水蟹當造的季節(可能係我亂估)。 不過水蟹粥就同之前一樣。 另外食左個咖哩牛腩麵,喜出望外,因為在香港食過類似的食物,通常咖哩同個麵或牛腩,係分開味的,但牛記的不一樣,成個味係融入哂,麵有咖哩味,讚!不過怕辣的人就要小心,因為都幾辣(最尾要整返杯咸檸七)。 當日有個笑話,有批學生黎叫野食,同伙計講咖哩雞翼飯,伙記話冇,但個學生reframe再叫雞翼飯加咖哩汁,個伙計就話得,究竟有咩分別?