尋日聽同事講去澳門玩，心思思，今日就起行同米先生出發。 第一次搭港珠澳大橋，比起搭船去澳門平一半，雙眼發光，即日來回玩玩啦！ 一早9點半由天水圍出發，乘搭機場巴士A37在二號客運大樓轉車去香港口岸，5分鐘就到，方便又快捷。 第一次去到香港口岸，點都要影返張相先 入到去，即刻過關，唔駛等，全程唔駛10分鐘。算快。 一出到關口，已經好多部自助售賣金巴車飛。 大家留意～只可以用八達通、支付寶和微信購買，現金不接受。如果大家八達通唔夠錢，可以即時係隔離OK便利店增值 買完車飛，唔駛等，立即上車，等架車坐滿人就開車，唔駛等。 上車前，有職員提醒你要帶安全帶，好貼心 出發，到港珠澳大橋，全程順暢，間中先見到一兩架車。 坐窗口位，全程望住個海，無邊無際，超正！ 30分鐘已經到達澳門。 自助過關，超方便。 係天水圍出發，全程唔駛2個鐘，比起搭船又平又輕鬆，值得試下。
