生日會活動停咗幾年，今年好多家長都係初次搞，亦未參加過生日會，想取下經都難，有唔少家長問我，第一次搞唔知要時間嘅安排，所以我都分享下生日會流程。首先撇除咗啲party room或者室內遊樂場先，因為呢啲太多嘅玩，唔洗安排任何嘢，小朋友都可以玩晒啲時間，只係到咁上下時間，集合返佢哋切蛋糕。佈置及準備活動告示：A4紙又好、小Banner都好，放喺門口，客人就知邊間房，入錯好尷尬架嘛～細個唱K咪試過入錯房囉～生日裝扮道具：生日帽等小道具要放喺門口或當眼位置，否則完咗都無用過。飲食：食物、飲品（如果場地係地氈，最好係紙包飲品）、食物枱、餐具、垃圾袋⋯仲有蛋糕枱，記著唔好太高，張枱又高、蛋糕又高⋯張相影唔到個小朋友架喇。禮物枱：張枱要夠大，好多時都漏咗呢樣嘢，然後所有禮物放埋一邊，越攝越入，臨走時容易執漏，亦無得靚靚仔仔比小朋友影張相。回禮禮物：可以的話Mark定個名，其化小朋友嘅嗲哋以為媽咪攞、媽咪又以為嗲哋攞，點知大家都無攞，又或者調返轉，到時變咗少咗一份。佈置：「happy birthday」嘅英文字或者birthday banner需要穿繩，過程無得快，一定要一個個窿穿，亦唔可以交比年紀較大嘅屋企人做，因為老花，睇唔到啲窿窿。氣球：太少又唔繽紛，要有足夠數量又較花時間，而且泵氣其實好嘥力，打結又唔係個個識⋯所以都要預番足夠人手。 等人呢個時候就開始得喇啩？少年你實在太年輕喇，呢個時段係要等齊人。星期六、日又多活動，出街特別多嘢執，而且要準備小朋友出街係幾咁花時間⋯所以要預留等候時間～開餐等完人就開始食嘢，留意活動時段，有啲可能未食嘢就嚟，嚟到就已經好肚餓，當然亦有啲生日會係較晏開始，可以同之後流程對調。集體活動等完食完嘅小朋友，就已經坐唔定，需要放電，呢個時候就係活動開始喇，可能係魔術、扭氣球、跳跳氣球圈、遊戲、Pinata⋯ 切蛋糕及合照當玩到咁上下時間，氣氛比較好，人亦比較容易集合，切蛋糕就啱晒時候喇。執拾及洗手間切完蛋糕都要再預少少時比大家執下嘢、小朋友去下洗手間啦～假設活動時段為3小時，12:00 - 15:0011:30 - 12:00 佈置及準備12:00 - 12:30 等人12:30 - 13:00 開餐13:00 - 14:00 集體活動14:00 - 14:30 切蛋糕及合照14:30 - 15:00 執拾及洗手間好多時客人都係book 3小時左右，呢個流程都係啱啱好，30分鐘準備，佈置款式都唔可以太複雜。集體活動亦比較有限，但要留意活動及切蛋糕都唔可以太遲，因為星期六、日家長們有時都要走幾場，會有早走情況發生，到時合照及集體活就可能無得參與，尤其扭氣球，如果早走小朋友無得攞，就會唔開心架喇，所以早走的話可以提早少少同表演者講聲，提早幫小朋友扭定心儀氣球。如果有任何魔術、氣球或生日會問題，歡迎留言提問。謝謝！==================================================更多生日會資訊，請瀏覽：www.oliverleemc.comwww.instagram.com/magic.oliverleewww.facebook.com/magic.oliverleewww.youtube.com/channel/UCRFakWB0y4YAmv5HxYm8N9Q
