禁晚市堂食無得同屋企人出去食唯有買個盆菜返屋企食🥰 老豆之前已經訂咗個盆菜、滷水拼盤組合 打算年廿九拎定 年初二招呼客人 點知師傅好熱情叫佢年初二黎拎 話到時熱辣辣 仲好食 🔥唔使雪咁耐 新鮮d 外賣自取pack得好實 👍個盆菜用錫紙包實 返到屋企用煲繼續滾就得 今日終於見到個盆菜本尊 潮州極品盆菜 $1688 （6-8人用） 滷水拼盤 $538 我都懶得重新擺靚d 佢真係咁是正 👍用料請參考返張宣傳單張 完全足料！ 印象中食過D頹廢盆菜 真係咩都一樣味 🤮見識過更加差嘅急凍盆菜 自己慢慢砌 最重要價錢又唔係平 👎而呢個盆菜係每樣食材都精心處理睇得出師傅落足心機 💯每樣食材係唔同味 當然繼續用煲返熱再煮耐d 個味道就開始統一返 傳統嘅鮑魚花膠鵝掌大蝦扣肉固然好味 😊蝦棗蟹棗鯪魚球都好搶鏡 🦐難得嘅係盆菜底嘅五香芋頭、南乳枝竹蓮藕、旺菜意想不到咁好食！ 吸收成個盆菜的精華 浸到入味 😋估唔到配菜都可以成為成個盆菜的記憶點！ 希望酒樓下次繼續做盆菜啦下年一定會再幫襯！🤗------------------------金燕島潮州酒樓Come-Into Chiuchow Restaurant潮州菜|山珍海味|點心|酒樓地址：尖沙咀寶勒巷18號Oasis Avenue 香港粵海酒店1-2樓【 歡迎𝐅𝐨𝐥𝐥𝐨𝐰 𝐦𝐞 】𝐈𝐧𝐬𝐭𝐚𝐠𝐫𝐚𝐦 ：@okwu.06https://www.instagram.com/okwu.06/
