比老豆放飛機，自己一個喺尖沙咀揈下揈下醒起好耐冇食過北京老家於是一支公上咗去可能因為我2點先上去食飯已經過咗lunch hour 餐廳得返兩三張台客人環境真係100分個場幾大 裝修行古典中國風 超靚魚魚台一路飲茶 一路隔住玻璃觀賞魚仔 心情都靚D MENU星期一至五 午市套餐 （星期六日 公眾假期要$12/位茶錢 好似仲要加一服務費） 我揀咗 午市小菜餐B5 - 慈溪牛肉手擀面 $55 有例湯、3粒白菜水餃 （可以揀韭菜餃 或 春卷） 份量係幾多相信正常人一定食得飽小女子一個人就食唔曬喇我隔離個客人仲誇張飲下茶 飲下湯 食埋餃子就飽咗要打包個主菜 （呢個真係有D誇張）開頭想話佢小器 D牛展薄切經我點算 有7塊牛展咁多唔小器啦~而薄切已經夠食因為牛味重 軟硬適中可能薄切食多幾塊 好過厚切食少幾塊（笑 D手擀面口感筋韌幾過癮我好滿意個lunch食完個lunch 歎咗壺茶又冇人催我埋單一個人慢慢hea下埋單只係$55免茶芥 免加一喺尖沙咀幫襯是但一個茶餐廳都應該差不多要$55但好難坐得有佢舒服裝修又靚可以比你慢慢飲茶尖沙咀打工仔路過不妨上黎食個lunch真係好抵食如果果日唔忙仲可以忙裡偷閒----------------北京老家京菜 (官府菜) |雲吞/餃子|中菜館地址:尖沙咀加拿分道25-31號國際商業信貸銀行大廈8樓歡迎follow我的IG: https://www.instagram.com/okwu.06/
