今個平安夜男朋友帶我去La Parole 食大餐呢間法國餐廳我同男朋友一直有幫襯開貪佢氣氛好 價錢又友善少少價錢就可以食到似樣法國餐法國餐一直高不可攀冇1000蚊一個人頭你都唔好打算食到好野餐廳仲要係上環 裝修是是正正平時唔會太多人上黎比你慢慢坐最難得係平安夜都keep住服務水準佳節通常餐廳想做2 round生意普遍都會限時但今次平安夜7點入座都冇限時由我地慢慢享受聖誕有聖誕頭箍 聖誕眼鏡比客人影下相估唔到有小朋友獻唱好有聖誕氣氛 （我知唔好睇啦 但比我留個念啦）（以前都唔稀罕小朋友唱歌 因為覺得佢地唱得唔好聽 宜家諗返轉頭 小朋友落力表現 大家聽得開心先係重點小朋友夠膽行出黎面對觀眾 已經係好叻 唔一定要太客觀評定歌聲好壞 ）5 Course Christmas Dinner一入座 侍應即刻奉熱辣辣軟熟麵包睇睇我睇果日嘅大餐其實選擇係唔少主菜有齊牛羊豬魚 1. 日本松葉蟹、牛油果配龍蝦膏油及多士 2. 香煎法國頂級鵝肝配秘製鵝肝醬，伴新鮮啤梨及啤梨蓉 3. 招牌法式龍蝦湯/招牌新鮮黑松露蘑菇湯 4a. 香煎日本佐賀A4和牛配雜菌、蜜糖南瓜及時令蔬菜 4b. 白蘭地砵酒焗頂級西班牙純種黑毛豬架 5a. 白蘭地聖誕布丁伴開心果雪糕 5b. 特色朱古力薄脆蛋糕 唔逐一點評因為樣樣都出息（港女表示睇menu已覺得滿足 無可否認頂級法式呢d字眼對膚淺嘅我可以提升用餐體驗）最好味係日本松葉蟹牛油果配龍蝦膏油及多士個蟹膏好正 好香 好甜 絕唔係大路貨個前菜令大家對成個dinner set好有信心前菜每次有得揀多數都係揀鵝肝以前細個以為自己唔鐘意食鵝肝（因為只食過鵝肝罐頭）宜家先知鵝肝其實香煎一下已經好正又滑又嫩至於和牛 A4黎講已經夠我食唔係下下一定要A5廚師肯花心思 處理得好 個matching就會超出A4表現 600蚊一個人頭歡度聖誕真係超值 食物精緻 服務超好 又有聖誕氣氛總之餐廳好有誠意 食物色香味俱全呢篇食評係冇重點只係幫自己mark返生活點滴同推大家搵日紀念日去食餐廳真係好划算又有情調 又好味（多次生日 情人節都係度慶祝！）La Parole 上環法國菜|社企餐廳|少鹽少糖食店地址：上環文咸東街22-26號柏廷坊3樓----------------（來自openrice的簡介）La Parole是香港首間揉合了Fine Dinning和社會企業的餐廳。餐廳的收入扣除成本開支後均全數撥款營運註冊非牟利機構 – 庭恩兒童中心，協助有語言障礙的小朋友克服困難。----------------食飯又可以做善事真係好欣賞呢個idea最難得係餐廳可以保持一貫水準唔係口講善事就逼客人埋單！
