Eris's Kitchen |荔枝角| 西式餐廳 |係荔枝角D2簡單食個TEA(下午5點)如果唔係朋友眼利我都留意唔到餐廳招牌個Dining以爲係高爾夫球俱樂部 餐廳環境好特別側邊比人練習打Golf （駁住個MON）Golf隔離就係高臺方便 打下飲下或者比朋友睇住打 其餘座位都係2人舒服梳化位超級濶落我同朋友2個人被安排坐梳化位2個人坐4人位超爽 梳化大食物份量仲大叫左英式全日早餐 $168煙肉照燒汁牛肉漢堡 $138其中一個餐+$30 轉蜜桃玫瑰烏龍茶(一定要加)飲茶最重要係水溫同儀式感個茶壺Keep住有蠟燭溫住每口茶都係暖笠笠茶杯又有質感 簡約又優雅的設計令飲茶變成享受Waitress見我地飲完主動幫我添水單單飲茶一個細節已經要比滿分 我地2個餐跟牛角酥一個要是日餐湯 (南瓜湯)一個要沙律 牛角酥 熱辣辣 脆卜卜!好味過好多餐廳!!南瓜湯好香濃通常餐廳都唔會被期待夠熱就已經交足功課估唔到餐廳好上心 英式全日早餐 $168比平時用料多心思 層次豐富有西柚沙律！燒好番茄的好juicy 番茄的恰到好處的酸味非常開胃茄汁焗豆 居然放埋肉 真係好有心機!唯一唔好又係牛角酥再次出場平時鍾意食牛角酥但你又出場 實在太多啦 食唔曬(打包算啦) 煙肉照燒汁牛肉漢堡 $138唔講漢堡個涵有好單單漢堡包的麵包脆你就知道餐廳樂意做好每一個細節 至於薯條,我鍾意粗薯條見漢堡配幼身薯條有dd失望但幼身薯條都好好味絕對有誠意!因爲份量太多最後要打包帶走超多食物 服務100！環境100！下次行D2想休息下會黎呢間食下Tea__________荔枝角 Eris's Kitchen地址:荔枝角長義街9號D2 Place 一期1樓 114-127號舖
