10:50am 原本有諗去円山公園,不過驚太趕無去,就到了薄野地鉄站落車。 記得第一晚在札幌曾想去這間炸物蛯天本店食飯,不過太多人要等一小時,所以該晚就在附近食壽司。今午趁蛯天本店剛在11:00am開門,就入去食了個炸蝦天婦羅套餐 。 午餐比晚餐平好多 點擊圖片放大 +2 炸物炸得很鬆脆可口 11:45-11:54am 食完就由薄野行去大通公園。又有紅葉睇。 12:20pm 由大通公園搭地鉄至札幌再行去JRINN酒店取行李 12:50-1:30pm 坐空港特急往機埸 自由席1070 yen 1:30pm 到了新千歲空港,由JR所在位置的國內航站B1/F,上扶手電梯上2/F,再行經長廊行往國際航站大樓。 上3/F A區辦理登機證及寄行李,準備坐4:30pm起飛的 CX581國泰航機返香港。 2:22pm 安檢後在離境禁區上一層是food court及Royal lounge貴賓室,不過貴賓室只有即食麵,飯團及飲品供應,無香港機場國泰貴賓室食物咁豐富。 3:50pm 延遲少許到四點才在67閘口登機 起飛後一個鐘,航機上就有晚餐食,首先有大蝦沙律及日本冷麵,然後主菜有曰本燒魚便當或紅酒牛柳配薯條,我選了後者。跟著是芝士,生果(芒果,火龍果,西瓜及哈密瓜),最後是雪糕。 8:30pm 飛抵香港 九日的北海道旅程又劃上句號。如果下次再去北海道,真係想睇下富良野等地方,欣賞無盡的花田和薰衣草。 我都好似用了半年時間才剛寫完這個北海道之旅就發生了北海道地震,加上大阪又剛打完風,希望日本等地能夠從不幸的天災早日復原過來。