3月4日星期六上午十點在港澳碼頭會合了其他澳門朋友後就坐地鐵到筲箕灣,然後坐往石澳方向巴士。不過筲箕灣巴士站打了排了好長的人龍,都幾嚇人,要等四五部巴士才上到車往龍脊。 12:00pm 去到往龍脊附近的巴士站,發覺都幾多人落車準備上龍脊行山,原來咁多人鍾意行山,整個山頭都係人,真係好似旺角一樣。 由石澳道落巴士地方上到去龍脊要一個鐘時間。 初段係石級,跟著仲有泥地鈄坡。 點擊圖片放大 +2 行了半個鐘,就見到下面的石澳,不過可惜當日天色陰暗,視野不清。 點擊圖片放大 +2 哥爾夫球場 以為係最高點,原來望上去仲有高山要征服。 行了差不多一個鐘,就快上到山頂。