10:50am 熊本拉麵之外，另一種地道美食是馬肉，馬刺我唔敢試，不過燒熟的馬串我就比較敢買黎試食 (小份150yen)。食完之後覺得馬肉同牛肉好似無乜分別，不過就比較乾身堅韌。食完馬串再買杯雪糕食下。 點擊圖片放大 +2 11:10-11:17am 食馬串前行過草千里一處山頭，今次見到有人行去另一處對著火山口的小山岳，於是又走上去睇下。 點擊圖片放大 +2 從小山岳上可以看見遠處火山口下面的山上廣場。 11:17am原來不知不覺留在草千里差不多兩個鐘，下一班巴士要12:14pm才到，豈不是仲要等一個鐘頭。上次搜集資料時睇了一篇文章，網友寫由草千里徒步行去山上廣場 (阿蘇纜車站) 只要半個鐘，於是就沿行車道向山上廣場進發。 11:35am 烈日當空下行了15分鐘就到了一處停車場，附近有個巴士站，離山上廣場 (阿蘇纜車站)仲有一半路程。 在此處更清楚看見火山口冒出大量白煙，見有直升機在此處升降，於是走去睇下。
