日本自由行近一兩年去得比較多，不過韓國我只去過一次，當年係2001年10月，同兩位在大學相識的朋友膽粗粗自由行玩了十一日，由當時稱為漢城的首爾，先搭火車去水原華城，再坐巴士落到南部的慶州及釜山，最後再返上去漢城。 未再去韓國前又搵番2001年既相睇下: 水原華城 釜山地鐵 釜山的漁市場 等巴士去佛國寺 佛國寺 德壽宮？太耐唔記得 戰爭博物館 相隔15年後又再踏足韓國，今次同媽媽和亞姨三人參加旅行團到首爾和到南面未曾去過全羅南道的內藏山睇紅葉 (好似11月9日才係紅葉最盛的日子，而10月22日就剛轉紅色，我希望起碼睇到啦)，另外順天灣自然生態公園及樂安邑城民俗村 (大長今拍攝地) 等地都會在第二日行下。而首爾會在第三日至第五日遊覽，選擇既景點可能同我以前去既會唔同，無去戰爭博物館，漢城塔，景福宮，不過同樣會去明洞及東大門，及另外幾處新景點包括全球最大貨櫃shopping mall(Common Ground)，三清洞等地方。又會睇一個拌飯show。因為媽媽和亞姨想除了睇景色外，希望有購物點。 今個行程凌晨時份會坐濟州航空飛往韓國，預計航程三個半鐘，於當地時間清晨六點就會到達仁川機場。跟著都要坐三至四個鐘往內藏山，有兩晚好可能住附近的光州。之後第三日會返到首爾住兩晚。第五日晚上九點半在仁川再坐濟州航空返港。 我在網上查過7.4港元可以換1000won。天氣約十至二十度，大致天晴部份有雲，只有一日可能落雨。 有個颱風海馬星期五就來到香港，仲有機會掛到八號風球，我就好唔想佢黎，就算黎到都希望佢快些走。 而依個旅程到月尾返到香港後再多兩星期，於十一月中又會出發往韓國，今次同一班舊德國團友，主要去南怡島，又係五日旅行團，我都覺得自己幾誇張，咁近時間又去多次韓國。
