8:20am 同第五日天氣比較，第六日天氣好好多，只係晏畫有少少烏雲。今日係行程最後一日，明早要就要由名古屋飛返香港。早上在東橫Inn酒店食完簡單早餐後就行十分鐘左右到名古屋JR附近的地鉄站，先用740yen買了地鉄一日乘車券。 最後一日的行程就是名古屋港和名古屋城 左面是名鉄，右面是JR名古屋站，地下就是地鉄站。 準備往名古港時，見入閘機前拉起了封鎖線又有電視台記者訪問已心知不妙，後來從告示牌上的通告得知名古屋昨晚落大雨，導致一大半東山線的地鉄站水浸。 點擊圖片放大 9:02am 於是企在售票機前仔細看地鉄圖睇下有無其他地鉄線可以去到名古屋港。跟著落地鉄月台準備坐櫻通線再駁名城線到金山站，再在金山站轉名港線到名古屋港站。不過落到月台實在太多人，又焗又熱，所以打消念頭走返上地鉄口。 9:10-9:34am打開自己本天書，發覺名鉄亦可以到金山站，於是由名古屋地鉄行去名鉄站，用了190yen坐名鉄到金山站。好彩名鉄無咁多人好易就擠到去車廂內。 到了名鉄金山站後依指示牌到地鉄金山站月台坐地鉄名古屋港缐到名古屋港 名鉄金山站 9:50am約十幾分鐘車程就由金山站抵達名古屋港站
