今年第一個旅行又是日本。上幾次是一個人去，今次同朋友一家四口去旅行。去之前都有擔心會否趕得及在一個月內訂好所有機票及酒店，以及安排好行程。另外我都有問下佢地關於行程方面會否過於緊密和景點會唔會合佢地心意。另一個就是天氣啦，我個人最怕凍，所以咁耐以黎只係五月，十二月之前去日本玩。出發前睇天氣預測話出發當日（年廿八）和接著的一天會零下一二度，日頭就會升至六至十度，故自己都帶了厚褸去日本。幸好整個行程大致天氣晴朗，只有第三及第四日係天陰，特別係到鳥取縣境港時仲遇上落雪。 行程根據所買的山陽山陰七日JRpass設計, 七日當然去唔哂七日pass所包括的所有地方，機票原先計劃是廣島入，廣島走，後來因為小朋友話要去環球影城，所以最後兩日酒店由廣島格蘭王子酒店改了住大阪環球京阪酒店，尾程由大阪返香港。 第一日下午六點到廣島；第二日向西行：到下關，門司港，小倉，博多。第三日往岡山和鳥取沙丘；第四日往倉敷，米子及境港；第五日廣島一天遊：宮島和原爆買頂及平和紀念公園，晚上到大阪；第六日全日在環球影城玩，晚上到心齋橋及道頓掘食飯和買手信。第七日晨早搭早機返香港。 今次旅行所買的山陽山陰JRpass (7days) 廣島燒 下關唐戶市場 門司港 九州鐵路紀念館 小倉城 岡山後樂園 岡山城 鳥取沙丘 點擊圖片放大 倉敷 米子及境港 (鬼太郎故鄉)
