今次是上一年十月去日本九州南部鹿兒島等地之後的另一次九州旅行的延續篇。九州北部行程大部份都已計劃好，下星期會坐國泰機飛往福岡。第一日會到中州屋台等地方。第二日先往福岡能古島，大濠公園，福岡城跡，然後睇下有無時間去海之中道公園。第三日就會開始用五日北九州JRpass（約HK$641), 去東面的門司港,下關等地, 再去小倉城, 下午轉往大分縣的杵築踏足古時的石板街。不過秋天五點鐘左右太陽會落山，所以小倉會唔會停留仍是未知數。第四日就去九重夢吊橋和由布院，最後坐綠色的由布院之森(ゆふいんの森)觀光列車返博多。別府和大分今次旅程就唔去啦。第五日就會坐長崎特急和普通電車往秋月城跡，佐賀的吉野之里 ， 九年庵，和御船山樂園（睇夜楓），行程都幾緊密，夜晚會到達長崎住一晚。第六日上午會遊長崎市, 下午會到佐世保坐坊古大帆船遊九十九島. 第七日又在福岡起程, 塔西鐵往太宰府天滿宮, 光明禪寺及柳州 等地方。下午未定，可能會南下熊本再坐船去島原城，或者改經JR鳥栖站去祐德稻荷神社或北上唐津市, 夜晚再經JR唐津線到佐賀縣的小城看清水淹紅葉祭。第八日會去福岡塔, 櫛田神社等地方. 最後下午會坐國泰機飛返香港。 事實上，如果可以遲多一個星期出發會更好，因為紅葉預計會十一月中至十一月尾見頃。上網看過當地溫度大約10-18度，不過天氣好似唔多好，大部份多雲有陣雨，希望都會有藍天白雲啦。
