8:30pm 離開大阪城公園，坐地鉄谷町缐，由谷町四丁目站經兩個站就返到梅田東站，才食該晚的晚餐－廻轉壽司。不過因為太肚餓掛住食所以無乜點影相，其中我最鍾意食是饅魚，食到十點半才返新阪急酒店。 立食 點擊圖片放大 +2 7:00am 到了第二日，起身梳洗完就在七點半落去酒店餐廳食早餐 點擊圖片放大 9:30am 在酒店check-out後離開酒店，要到最後兩日才見返這間酒店。 9:55 am 我們選擇由JR大阪站(8番線)坐9:55am開出的京都線快速(約560yen)，約40分鐘車程，中途停8-9個站，於10:35am就到京都站。若是坐JR新快速就只停一個站，不過時間只慳到10分鐘，所以時間相差無多。再加上來往大阪和京都的班次都幾密，約5-10分鐘就有一班開出。無幾個月後在九州旅程上的火車班次咁稀疏。另外，若想慳錢可以考慮坐阪急由梅田站到京都河原町站，只需390-4XX yen，不過時間就要差不多50分鐘才到。 10:35 am來到千年古都的京都 (未遷往東京時的首都) ，在車站上面有伊勢丹百貨公司，不過無行，因為要過車站對面的京都塔酒店Check-in，然後計劃會去京都既景點賞櫻。 點擊圖片放大 +2 過完馬路, 回望JR京都站
