5:50pm在酒店休息差不多一個鐘後就行去梅田站出面横街一間中華料理輕食一碗燒豚麵(680yen) 。 點擊圖片放大 6:30pm 食完路過一間拉麵店，店前可以在自動售買機選擇自己喜愛食既拉麵，湯汁濃度，麵的粗幼和辛辣程度，買票後再入內交給店內廚師。 7:00pm 在大阪梅田站坐地鐵約三四個站就在｢谷町四丁目｣駅下車，於九號出口離開地鐵站行十幾分鐘就可以到達大阪城公園內的西之丸庭園睇夜櫻。 7:30-8:30pm 見到大阪城公園的入口 燈光映照下的櫻花有一種神秘感 不過細心看清楚, 唔少花朵都比雨水打落. 遠睇就唔覺. 500yen入場費，2014年大阪城西之丸的夜櫻早在3月25日舉行，為期三星期，在4月13日完結。票上寫了開放時間為午後6時至10時。 第一次睇櫻花是在沖繩，今次是第二次，不過日本本土所見無論種類和數量上當然是最美和最多。 不同顏色的燈光打在兩旁的櫻花樹上很漂亮又夢幻，庭園內以染井吉野櫻為主，西之丸就總共種有四百棵櫻花樹，佔整個大阪城公園的七份一。可惜遇上落大雨，天氣又凍又大風，真係擔心脆弱的櫻花會大量被打落，加上一手拿傘，一手拿相機，影相都幾麻煩，要想拍得好真係要講彩數。
