對上一次去台灣係去玩三日, 去既地方係九份同在台北市飲飲食食。相隔九年, 今次五月最後一個周未有幸同兩位同事一同去台灣玩三日, 除了享用地道食物外, 仲搵了第二日的上午騎單車由台北去淡水。今次影既相不多，旅遊日記要遲些時間才會同大家見面。 下午一點到了台北機場先到櫃員機取錢再買上網卡。我地一位同事就第一次帶部單車裝落紙箱運去台灣試踏，希望從今次旅程中為日後其他單車行吸收多些經驗。不過我就覺得幾重，而且帶著單車周圍去的旅遊方式對我黎講好似唔太方便。 同事預訂的蜂巢旅店，往台北高鐵及捷運站大約要十五分鐘，尚算方便，而房間都幾整潔， 不過隔音就差一點。 多年無見的台北街頭，依然都無乜點變。 坐的士由機塲去到旅店安頓後，下午三點經同事介紹下，去到一間叫金峄的街頭食店吃魯肉飯(30台幣一小碗)，豆腐都唔錯，另外價錢都好平。 跟著我同朋友就由台北車站直接坐一個鐘捷運去淡水，而同事就返酒店取單車踏去淡水。去到淡水差不多六點，太陽好似唔見了。 淡水河對面是八里 淡水老街的美食 第二日早上又去街邊小店食早餐，70台幣就有一碗肉羹麵。 之後行到去河濱公園，用了275台幣租四個鐘單車踏去淡水。原來當日氣溫接近四十度，加上平時少踏單車又無做運動，踏起上黎都幾吃力。 現在好似真係幾興踏單車，加上台灣多了好多單車徑，所以天氣熱照樣幾多人踏。 九點出發，約十二點半踏到去淡水，腳都軟所以要搵地方休息。而同事就買完手信再踏單車返回台北市。 在淡水食完晏再坐捷運返台北市，沖完涼就坐的士出發去輔大夜市。因為同事好多夜市都去過，所以佢想睇下輔大有無美食。輔大都有日本同韓國野食，我地試了串燒，牛柳粒，煎餃又坐低食了最著名的蚵仔煎。 第三日去了台北車站附近的京站時尚廣場行下，隨了廣場外，車站下面都有地下街。 中午食完一個鐵板燒就坐的士去台北桃園機場，好幸運有得坐長榮的Hello Kitty航機，約個半鐘機程就返到香港，完結了三天的快閃旅程。
