復活節前一星期，剛與家人參加旅行團去日本沖繩玩五日。今次是第二次去沖繩，同上次去的地方都是大同小異，對我自己無乜新鮮感，有海洋博公園，琉球王國和萬座毛等地方。不同之處是水果樂園換成菠蘿樂園，玻璃底船就換成在那霸泊港坐半潛水艇看海底珊瑚。另外有一日是自由活動，我計劃了同佢地坐巴士先去沖繩北部的水中展望塔，沿展望塔內樓梯級可以行落深水的地方隨著玻璃窗睇珊瑚和熱帶魚，比起半潛艇更看見更多熱帶魚，可能海水比較清。下午就去中部的Bios岳, 有森林步道, 花花草草和坐牛車的地方. 最後係去美國村, 原本想六點半前去到睇日落, 可惜去到已經日落西山。因為同一家人去，旅行團式的旅遊比較方便，所以無諗住我安排全程自由行，另外殘波岬及古宇利島比較偏遠，所以亦無去。總括天氣比我上次去的時侯，天氣熱好多，好在天朗氣晴無落雨。 依個旅程的日記恐怕要好耐才出現，因為東歐未寫完, 2014年三次日本自由行的遊記亦未寫呢。 半潛水艇 水中展望塔 點擊圖片放大 Bios 岳 美國村 上次第一次到沖繩旅程的網址: [2012年2月的沖繩島之遊]
